آذربایجان دموکراتیک جمهوریتینین قورولماسی‌‌نین 100-جی ایلی شرفینه آنکارادا سمپوزیوم گئچیریلدی
یورددیشیندان؛ آذربایجان، قازاخیستان، ایران، گورجوستان، روسیا فدراسیونو، اوکراین و آلمانیادان، یورد ایچین‌دن ایسه موختلیف اونیورسیته‌لرین آلان‌لارین‌دا متخصص بیلیم اینسانلارین قاتیلدغی سمپوزیوم، فارابی و مظفر گؤکر سالونلاریندا حیاتا کئچیریلدی
آنکارا اونیورسیته‌ستی چاغداش تورک لهجه‌لری و ادبیاتلاری بؤلومونون و تورک تاریخ قورومونون ایش بیرلیگی و تورک ایش بیرلیگی و قالخینما آژانسی‌نین دستگی ایله آذربایجان دموکراتیک جمهوریتینین قورولماسی‌‌نین 100-جی ایلی شرفینه و قوروجو باشقانی محمد امین رسولزاده و یولداش‌لاری‌نین خاطیره‌سینه باش‌لیغی آلتیندا تشکیل ائتدیگی اولوسلار آراسی معاصیر تورکلوک آراشدیرما‌لاری سمپوزیومو، 28-31 می 2018-جی ایل تاریخ‌لرینده دیل تارخ جغرافیا فاکولته‌سی، فارابی و مظفر گؤکر سالونلاریندا گئچیریلدی.
یورددیشیندان؛ آذربایجان، قازاخیستان، ایران، گورجوستان، روسیا فدراسیونو، اوکراین و آلمانیادان، یورد ایچین‌دن ایسه موختلیف اونیورسیته‌لرین آلان‌لارین‌دا متخصص بیلیم اینسانلارین قاتیلدغی سمپوزیوم، 15 اوتورومدا فرقلی باشلیقلار و قونولارلا فارابی و مظفر گؤکر سالونلاریندا حیاتا کئچیریلدی.
28 می 2018، بازار ارته‌سی گونو ساعت 9:00دا آذربایجان دموکراتیک جمهوریتینین قوروجو لیدری محمد امین رسولزادنین جئبئجی عصری مزارلیغین‌داکی قبری باشین‌دا چاغداش تورک لهجه‌لری و ادبیاتلاری بؤلومو 2018 علم هیاتی و قاتیلیمجیلارین سایغی دوروشو و دعالاری ایله باشلایان سیمپوزیومون آچیلیش مراسیمی ایسه دیل و تاریخ-جوغرافیا فاکولته‌سی فارابی سالونون‌دا 10:00- 12:00 ساعتلاری آراسیندا حیاتا کئچیریلدی.
اؤلکه‌لرین‌ده و دونیا تورکولوژی بؤلوملرین‌ده تانینمیش عالیملر و یازارلار طرفین‌دن آذربایجان دموکراتیک جمهوریتی و قوروجو باشقانی محمد امین رسولزاده و دوستلار حاقیندا دؤرد گون بویونجا اؤزل بیلدیرلر سونولدو.
ایجلاس‌دا موختلیف تدبیرلره ده یئر وئریلمیشدی: سیمپوزیومودا، پروفسور دوکتور زاور موکرّم-ین یؤنتمن‌لیگینده چکیلمیش اولان "عذاب‌لی یوللار" مستندلی فیلمینین نوماییشی، آذربایجان کولتور درنکی خالق اویونلاری توپولوغونون رقص‌لری، آنکارا اونیورسیته‌سینین دولت کونسرواتوری صنعتکارلاری دمت گورخان (سوپرانو)، گولر دمیرووا گیؤرفی (پیانو) و خوسروو امیرینین (تئنور) آذربایجانلی بسته‌کارلارین اثرلرین‌دن سئچیلمیش موسیقی دینلتی-لری و سولدوزلو مشهور صنعت‌چی آراز ائلسس‌ین ده بیر کونسرتی کئچیریلدی.
قاتیلیمچی و سونوجولارا قاتیلیم بلگه‌سی تقدیم ائدیلن سمپوزیوم، خاطره فوتوغرافی چگیمی ایله سونا چاتدی.
