آذربایجان دموکراتیک جمهوریتینین قورولماسینین 100-جی ایلی مناسیبتی ایله سمپوزیوم گئچیریله جک

مطبوعات بیلدیریسی

22.05.2018

آنکارا اونیورسیته سی دیل و تاریخ-جوغرافییا فاکولته‌سی چاغداش تورک لهجه‌لری و ادبیاتلاری بؤلومونون بو ایل 16نجی‌سی اولاراق 28-31 می 2018 ایل تاریخلری آراسین‌دا کئچیریله‌جک اولان معاصیر تورکلوک آراشدیرمالاری سمپوزیومو، آذربایجان دموکراتیک جمهوریتینین قورولماسینین 100-جی ایلی شرفینه و قوروجو صدری محمد امین رسول‌زاده و یولداشلارینین خاطره‌سینه ایتحاف ائدلمیشدیر. آتاتورک مدنیت، دیل و تاریخ یوکسک قورومو، تورک تاریخ قورومونون امکداش‌لیغی ایله کئچیریله‌جک اولان بین الخالق توپلانتیمیزی، تورک امکداش‌لیق و کووردیناسیون باشقانلیغی دا دستکلمیشدیر.

خاریجین‌دن؛ آذربایجان، قازاخیستان، ایران، گورجوستان، روسیا فدراسیونو، اوکراین و آلمانیادان، یورد ایچین‌دن ایسه موختلیف اونیورسیته لرین ساحه‌لرین‌ده متخصص عالیملرین قاتیلاجاغی قورولتاییمیز، 28-31 می 2018 تاریخلری آراسین‌دا آنکارا اونیورسیته سی دیل و تاریخ-جوغرافییا فاکولته‌سی فارابی و مظفر گؤکر سالونلارین‌دا حیاتا کئچیریله‌جک‌دیر. 28 می 2018، بازار ارته‌سی گونو ساعت 9:00دا آذربایجان دموکراتیک جمهوریتینین قوروجو لیدری محمد امین رسولزادنین جئبئجی عصری مزارلیغین‌داکی قبری باشین‌دا چاغداش تورک لهجه‌لری و ادبیاتلاری بؤلومو 2018 علم هیاتینین سایغی دوروشو و دعالاری ایله باشلایاجاق اولان سیمپوزیومون آچیلیش مراسیمی ایسه دیل و تاریخ-جوغرافییا فاکولته‌سی فارابی سالونون‌دا 10:00- 12:00 ساعتلاری آراسین‌دا حیاتا کئچیریله‌جک‌دیر.

اؤلکه‌لرین‌ده و دونیا تورکولوژی دایره‌لرین‌ده تانینمیش عالیملر طرفین‌دن آذربایجان دموکراتیک جمهوریتی و قوروجو باشقانی محمد امین رسول‌زاده و دوستلارینا دایر اؤزل بیلدیرلرین تقدیم ائدیله جگی سیمپوزیوم، آشاغیدا تقدیم اولونان پروقرام چرچیوه سینده اویغون اولاراق دؤرد گون عرضین‌ده داوام ائد‌جک‌دیر.

ایجلاس‌دا موختلیف تدبیرلره ده یئر وئریلمیش‌دیر: سیمپوزیومون ایلک و سون گونلرین‌ده، پروفسور دوکتور زاور موکرّم-ین یؤنتمن‌لیگینده چکیلمیش اولان "عذاب‌لی یوللار" مستندلی فیلمینین نوماییشی، آذربایجان کولتور درنکی خالق رقصلری تولولوغونون رقص شوولاری، آنکارا اونیورسیته سینین دولت کونسرواتوری صنعتکارلاری دمت گورخان (سوپرانو)، گولر دمیرووا گیؤرفی (پیانو) و خوسروو امیرینین (تئنور) آذربایجان‌لی بستکارلارین اثرلرین‌دن سئچیلمیش موسیقی دینلتی-لری و سولدوزلو مشهور صنعت‌چی آراز ائلسس‌ین ده بیر کونسرتی کئچیریله‌جک‌دیر. سیمپوزیوم تدبیرلری آراسین‌دا پروفسور دوکتور زاور موکرم-ین رسیم آرشیوین‌دن توپلانمیش دؤور فوتوشکیللرینین نوماییش ائتدیرجگی بیر دؤور سرگیسی ده یئر آلیر.

سیمپوزیوم دوزنله یه جک قورول اولاراق، ایلک دفعه 2002 ایلده کئچیریله‌ن، بو ایل 16نجی‌سی کئچیریله‌جک اولان بین الخالق معاصیر تورکلوک آراش‌دیرمالاری سیمپوزیومونون نیه بو مسئله‌یه آداندیغی و اهمیتی حاقین‌دا قیساجا بونلاری قید ائتمک ایستردیک:

روس دولتی سرحدلری ایچریسین‌د‌کی تورک توپلولوقلاری آراسین‌دا یالنیز آذربایجان تورکلری، 1917-جی ایلده باش وئر‌ن اوکتوبر اینقیلابین‌دان سونرا بیرباشا موستقیل‌لیک موباریزه‌سی آپارمیشلار. ایدیل‌ا-اورال و تورکوستان‌دا اوغورسوزلوقلا نتیجه‌لنه‌ن موختاریت موباریزه‌سینه قارشی، آذربایجان‌دا موستقیل دولت قورولموش و 23 آی ( 1918-1920) وارلیغینی داوام ائتدیرمیش‌دیر. آذربایجان و عثمانلی دولتینین آرتان باسقیسی نتیجه‌سین‌ده گورجوستان و

ارمنیستان دا روسیادان آیریلما یولونو توتموش، موستقیل‌لیک تلاشلاری ائتمیشلر.

28 می 1918ده موستقیللیینی دونیایا بیل‌دیریله‌ن آذربایجان دموکراتیک جمهوریتی، تورک دونیاسی و ایسلام عالمین‌ده ایلک دموکراتیک دولت اولاراق تاریخ‌ده اهمیت‌لی بیر یئر آلمیش‌دیر. بو دولت، پارلامنت قارشی‌سین‌دا مسئول اولان چوخ پارتیلی کوالیسیون حکومتلری ایله ایداره ائدیلمیش؛ ایسلام عالمین‌ده لائیک پرینسیپینین تطبیق اولوندوغو ایلک

دولت اولموش، ایستیقلال بیاننامه‌سین‌ده قید اولونان آزادلیغا دایالی وعدلرینی تامین ائتمه‌سی دقتلری چکمیش‌دیر.

موستقیل و دموکراتیک اولان بو دولتین قورولوشو، چارلیق دؤورون‌ده قاریشیق کیم‌لیک مسئله‌لرینه حلّ یولو اولماسینی دا طلب ائتمیش‌دیر. جمهوریتین قوروجولاری طرفین‌دن بو مسئله‌ده ان دوغرو یول سئچیله‌رک، حقیقتلره حقوقی ایستاتوس وئریلمیش، بو تورپاقلارین تاریخ‌ده "آذربایجان اولدوغو، اوزرین‌ده یاشایان میللتین آدینین "تورک اولدوغو، دانیشدیغی دیلین "تورکجه اولدوغو" معین ائدیلمیش و میللی فیکرین اوغورلو بیر فورمولو اولان اوچلو دستور؛ اوچ

رنگ‌لی دولت بایراغی کیمی قبول ائدیلمیش‌دیر.

جمهوریتن موجود اولدوغو زامان دسامبری، آذربایجان تورکلویو ایله تورکیه تورکلویو آراسین‌دا میللی دولت اساسین‌دا موناسیبتلرین قورولدوغو ایلک دؤور کیمی قیدیات‌دان کئچمیش‌دیر.

قافقاز ایسلام اوردوسو، تورکلوک تاریخینین ان حساس، غورور وئریجی داستانلارین‌دان بیرینی یازمیش، قوموتان نورو پاشا و سیاسی موشاویر احمد آغا اوغلو دولتین قورولماسین‌دا اؤنملی رول اوینامیش‌دیر. اساسدا آنلاییش و قارشی‌لیق‌سیز یاردیم شرطلرین‌ده اینکیشاف ائد‌ن بو علاقه‌لر، موباحیثه‌لی حاللاری دا ساخلامیش‌دیر.

موستقیل، دموکراتیک، لائیک آذربایجان جمهوریتینین قوروجولاری، آدلاری بوتون تورک تاریخینه قیزیل حرفلرله یازیلان بؤیوک دولت خادیملری‌دیر. آذربایجان ایستیقلالینی اعلان ائد‌ن میللی شورا صدری محمد امین رسول‌زاده، پارلامنت و پاریس باریش نماینده هیاتینین رهبری علی مردان توپچوباشی، باش ناظیرلر فتحعلی خان خویسکی ایله نصیب بی یوسوف بی‌لی و پارلامنتین صدر معاوینی دوکتور حسن آغایئو کیمی بؤیوک شخصیتلر یالنیز آذربایجانین دئییل؛ تورکیه‌نین و تورک دونیاسینین دا وارلیغی ایله فخر ائتدیگی آدلاردیر.

حؤرمتیمیزله  دویوروروق.

پروفسور دوکتور سما باروتجو اؤزؤندر

چاغداش تورک لهجه‌لری و ادبیاتلاری بؤلومو 2018 دوزنلمه هیاتی و باشقانی آدینا

ایرتیباط:

پروفسور دوکتور سما باروتجو اؤزؤندر

چاغداش تورک لهجه‌لری و ادبیاتلاری بؤلومونو باشقانی

آنکارا اونیورسیته سی دیل و تاریخ-جوغرافییا فاکولته‌سی صحیه /آنکارا

سیمپوزیوم الکترونیک پوست:

-E-posta: ctas.dtcf@gmail.com,

E-posta: barutcu@humanity.ankara.edu.tr

ایش تلفون: 

TEL: (0312) 310 3280/1701

 (سکرترلیک: آرراشدیرماجی دریا اربیرسین، آراشدیرما اومیت شاهین)

فاکس: 

FAX: 0312 3111729