باغیمسیز‌لیغین قوتلو اولسون جان آذربایجان
آذربایجان باغیمسیز‌لیغی‌نین 99.جو ایلی، آنکارادا وئریلن بیر ضیافتله قوتلاندی
آذربایجان جمهوریتی باغیمسیز‌لیغی‌نین 99.جو ایلی، آنکارادا وئریلن بیر ضیافتله قوتلاندی.
ائلچی‌لیک‌ده‌کی ضیافتده، خاریجی میسیون نماینده‌لری‌نین یانیندا، تورکیه‌نی تمثیلا جمهورباشقانی باش مشاویری یالچین توپچو و اولاشدیرما دنیزچی‌لیک و خبرلشمه باخانی احمد آرسلان دا قاتیلدی.
بو آرادا تورکیه و آذربایجان آراسین‌داکی دیپلوماتیک ایلیشکیلرین قورولوشونون 25.جی ایلی دا قوتلاندی.
بو چرچیوه‌ده باخان آرسلان و ائلچی فایق باغیرووا اولوسلارآراسی تورک کولتور تشکیلاتی تورکسوی طرفین‌دن مدنیت مدا‌لی تاخیلدی.
ضیافتده دانیشان باخان آرسلان، تورکیه و آذربایجان آراسیندا حیاتا گئچیریلن پروژه‌لرین اؤنمینه دقت چئکدی.
باخان آرسلان،
"21.جی عصرین پروژه‌سی اولان 45 میلیارد د‌لارلیق گونئی گاز دهلیزی پروژه‌سی اؤزللیکله آذربایجان و تورکیه‌نین چابا‌لاری و مالی قایناق‌لاری ایله گرچکلشدیرلمه‌یه باشلانمیش‌دیر. سایین جمهورباشقان‌لاریمیز طرفین‌دن اله آلینان و ایکی ایراده ایله باشلادیلان بو پروژه‌لر تورکیه و آذربایجان اوچون یئنی ایمکان‌لار اولا‌راق اورتاق گوج اولما هدفینه اؤنم‌لی قاتقی‌لار وئرمکده‌دیر. انرژی ساحه‌سی‌نین یانیندا اولاشدیرما ساحه‌سینده وار اولان ایستراتژیک پروژه‌لرین ان گؤزل نومونه‌لرین‌دن بیری باکی-تیفلیس-قارس دمیریولو پروژه‌سی‌دیر. پروژه‌نین تاماملانماسی ایله نقلیات سئکتوروندا اؤنم‌لی بیر دهلیزی میدانا گتیرمیش اولاجاییق"دئیه دانیشدی.
