افغانیستاندا سئل سببی ایله اؤلنلرین ساییسی ۴۰۰ نفره یاخینلاشدی
افغانیستانین قوزئی ویلایتلرینده سون هفته‌لرده تأثیرلی اولان آشیری یاغیشلارین سبب اولدوغو سئللر ندنی ایله اؤلنلرین ساییسی ۴۰۰ نفره یاخینلاشدی
افغانیستانین تورکمنیستان سرحدینده‌کی فاریاب ویلایتینده میدانا گلن سئللر سببی ایله ۱۸ نفر داها حیاتینی ایتیررکه‌ن، اؤلکه‌نین قوزئی ویلایتلرینده سون هفته‌لرده تأثیرلی اولان آشیری یاغیشلارین سبب اولدوغو سئللر ندنی ایله اؤلنلرین ساییسی ۴۰۰ نفره یاخینلاشدی.
طلوع نیوزا دانیشان فاریاب والیلیگی سؤزچوسو عصمت الله مرادی، ویلایتده‌کی سئللر سببی ایله ان آز ۱۸ نفرین حیاتینی ایتیردیگینی سؤیله‌دی.
مرادی، آیریجا ایکی مین دؤنومدن/دکاردان چوخ اکینچیلیک اراضیسینین ایستیفاده ائدیله‌بیلمز اولدوغونو، ۱۰۰۰دن چوخ ائوین زیان گؤردوگونو و ۳۰۰دن چوخ حیوانین اؤلدوغونو ایفاده ائتدی.
اؤته یاندان، دونن غور ویلایتینده ده سئللر سببی ایله بیر چوخ اینسانین حیاتینی ایتیردیگی و اونلارجا اینسانین ایتکین اولدوغو آچیقلانمیشدی.
افغانیستاندا قیش آیلاریندا یاغان قارین هاوالارین ایستیلشمه‌سی ایله اریمه‌سی، شدتلی یاغیشلار و آلت یاپینین یئترسیز اولماسی نتیجه‌سینده میدانا گلن سئللر، جان و مال ایتکینلرینه سبب اولور. اؤلکه‌ده هر ایل یوزلرجه اینسان بو سببله حیاتینی ایتیریر.
ایلگیلی‌لی خبرلر
ژاپوندا ۶ بؤیوکلوگونده‌کی زلز‌له‌ده ۵ بینا چؤکدو
یئرلی ساعاتلا ۰۶.۳۱ده میدانا گلن زلز‌له‌نین ۱۰ کیلومتر درینلیکده ثبت ائدیلدیگی ایفاده ائدیلدی
هیندیستاندا ۳۳ سئچیم مامورو آشیری ایستیلر سببی ایله اؤلدو
باشکند یئنی دهلیده ۵۲،۹ درجه ایله بوتون زامانلارین ان یوکسک ایستیلیگی ثبت ائدیلمیشدی
