اندونزیده سئل و تورپاق سوروشمهلری نتیجهسینده 58 نفر اؤلوب
میللی فلاکت یؤنتیم آژانسیندان وئریلن آچیقلامایا گؤره داشقین و سوروشمه نتیجهسینده 58 نفر اؤلوب 35 نفر ایتکین دوشوب
اندونزینین باتی سوماترا ایالتینده موسون یاغیشلاری و داشقینلار سببییله مراپی وولکانینین پوسکورمهسی نتیجهسینده ییغیلان قایا، کول و تورپاق ییغینینین سوروشمهسی نتیجهسینده حیاتینی ایتیرنلرین سایی 58-ه یوکسلیب.
میللی فلاکت ایدارهسی آژانسینین سؤزچوسو عبدول موهاری یوزلرله ائوین سو آلتیندا قالدیغینی و 1500-دن چوخ عائلهنین بؤلگهدن تخلیه ائدیلدیگینی آچیقلاییب.
آختاریش-خیلاص ائتمه مسئوللارینین داها چوخ جسد تاپماسیندان سونرا حیاتینی ایتیرنلرین سایینین 58-ه یوکسلدیگینی بیلدیرن موهاری، داها 33 یارالینین خستهخانایا یئرلشدیریلدیگی معلوماتینی پایلاشیب.
موهاری، ایتکین دوشدویو بیلدیریلن 35 نفرین تاپیلماسی اوچون الوئریشسیز هاوا شرایطی سببیندن دایاندیریلان آختاریش-خیلاص ائتمه ایشلرینین یئنیدن باشلادیغینی آچیقلاییب.
تأثیره معروض قالان اراضیلرده سیار مطبخلر و سیار سو تمیزلَییجی قورغولار یارادیلمیشدیر.
اندونزینین سوماترا آداسینین باتیسیندا یئرلشن مراپی وولکانی ایلک دفعه دسامبرین 3-ده پوسکوروب. وولکانین بیرینجی پوسکورمهدن بری یوزلرله دفعه پوسکورمهسی نتیجهسینده بؤلگه ساکینلرینین پوسکورمه مرکزیندن 4.5 کیلومتر شعاعسیندا اولان اراضییه گیریشی و فعالیت گؤسترمهسی قاداغان ائدیلیب.
ایلگیلیلی خبرلر
کنیادا داشقینلاردا 52 نفر ایتکین دوشوب
باش وئرن داشقینلاردا حیاتینی ایتیرنلرین سایینین 277-یه یوکسلدیگی بیلدیریلیب