دونیادا "ان ایستی آوریل" قیده آلینیب

اؤتن آی دونیادا "ان ایستی آوریل" اولاراق قیده آلینیب.

اوروپا بیرلیگینین کوپرنیک اویدو ایزله‌مه سیستمی طرفیندن ائدیلن آچیقلامادا، کئچن آیین اورتالاما هاوا ایستیلیگینین 15.03 درجه اولاراق اؤلچولدویو ایفاده ائدیلدی.

آچیقلامادا، بو اؤلچونون ژانویه آیی اوچون 1991-2020-جی ایللرین اورتا گؤستریجیسیندن 0.67 درجه یوخاری اولدوغو ایفاده ائدیلدی.

آچیقلامادا کئچن آیین دونیادا ایندییه قدر قیده آلینان "ان ایستی آوریل" اولدوغو و سون 12 آیین آردیجیل اولاراق قیده آلینان ان ایستی آیلار اولدوغو قید ائدیلیب.

آچیقلامادا، سون 12 آیدا (می 2023 - آوریل 2024) گلوبال اورتا ایستیلیگین 1991-2020-جی ایللرین اورتا گؤستریجیسیندن 0.73 درجه یوکسک اولدوغو بیلدیریلیب.

همچینین بیلدیریلیب کی، هاوانین ایستیلیگی اساساً شرقی اوروپا بؤلگه‌سینده اورتا سویه‌دن یوکسک اولوب.

دونیاداکی وضعیتین‌ ده یئر آلدیغی آچیقلامادا اوروپادان کناردا قوزئی آمریکانین قوزئی و قوزئی دوغوسوندا، گرینلند، دوغو آسیا، اورتا دوغونون قوزئی باتیسیندا، گونئی آمریکانین بعضی بؤلگه‌لرینده و آفریقانین چوخ حیصّه‌سینده ایستیلیگین اورتا سویه‌دن یوکسک اولدوغو قید ائدیلیب.