تهلوکهلی ایستیلیکدن بعضی مکتبلرده تحصیل دایاندیریلیب
تاریخین ان ایستی آوریل آیی هیندیستاندا یاشانیپ، ایستیلر سببیندن 9 نفر اؤلوب
گونئی و گونئی دوغو آسیانین بیر چوخ اؤلکهسینده حدیندن آرتیق ایستیلر مکتبلرین مووقتی باغلانماسینا سبب اولوب.
هیندیستانین کرالا ایالتینده حؤکومت ایالت مکتبلری می آیینین 6-دک باغلاماق قرارینا گلیب.
هیندیستان متئورولوژی ادارهسینین معلوماتینا گؤره، اؤتن آی کرالادا 5 ایستی دالغاسی قیده آلینیب.
ایستیلیگین 37 درجهنی کئچدیگی بنگلادشده ده تحصیل دایاندیریلیب. قید اولونوب کی، اؤلکهده تخمینا 33 میلیون اوشاق مکتبه گئده بیلمیهجک.
کامبوجدا دؤلت مکتبلری تحصیلی گونده 2 ساعاتا ائندیرمهیه چاغیریلیب.
ایستیلیگین تهلوکهلی حده چاتدیغی بیلدیریلن فیلیپپینده اوز اوزه تحصیل 4 گون مودتینه دایاندیریلیب. پایتخات مانیلده ایستیلیگین 37 درجهنی کئچه بیلهجیی تخمین ائدیلیر.
سینگاپور دونیا رسدخاناسینین دیرکتورو بنجامین هورتون، ایستیلیکلره اوزونمودتلی حل یولو تاپماغین واجیبلیگینه دقت چکهرک، "ایستیخانا گازی جذب پروبلمینی حل ائتملیییک" دئدی.
آوریلین 29-دا ایستیلیگین نورمالدان 5.5 درجه یوخاری قالخاراق 41.9 درجهیه چاتدیغی کرالادا 2 نفر ایستی وورماسی نتیجهسینده دونیاسینی دَییشیب.
تاریخین ان ایستی آوریل آیی هیندیستاندا یاشانیپ، ایستیلر سببیندن 9 نفر اؤلوب.