کنیادا داشقینلاردا حیاتینی ایتیرنلرین سایی آرتیب
2 هفتهدیر داوام ائدن لئیسان یاغیشلارین سبب اولدوغو داشقینلاردا حیاتینی ایتیرنلرین سایینین 169-آ یوکسلدیگی، 91 نفرین ایسه ایتکین دوشدویو بیلدیریلیب
کنیادا تخمینا 2 هفتهدیر داوام ائدن لئیسان یاغیشلارین سبب اولدوغو داشقینلاردا حیاتینی ایتیرنلرین سایی 169-آ یوکسلیب.
حؤکومتین وئردیگی آچیقلامادا داشقینلارین تؤرتدیگی داغینتیلارلا باغلی معلومات پایلاشیلیب.
آچیقلامادا، تخمینا 2 هفتهدیر داوام ائدن لئیسان یاغیشلارین سبب اولدوغو داشقینلاردا حیاتینی ایتیرنلرین سایینین 169-آ یوکسلدیگی، 91 نفرین ایسه ایتکین دوشدویو بیلدیریلیب.
داشقینلارین پایتخات نایروبیده تأثیر ائتدیگی و بعضی یوللارین باغلاندیغی بیلدیریلن آچیقلامادا بیر چوخ بؤلگهنینده سو آلتیندا قالدیغی بیلدیریلیب.
آچیقلامادا اؤلکه داخیلینده 200 میندن چوخ اینسانین داوام ائدن لئیسان یاغیشلاری و داشقینلاردان ضرر چکدیگی وورغولانیب.
کنیا دمیر یوللاری، اؤلکه داخیلینده شهر اطرافی قاطار خیدمتلرینین دایاندیریلدیغینی آچیقلادی.
پرزیدنت ویلیام روتو میللی گنجلیک خیدمتینه داشقینلاردان ضرر چکنلر اوچون مووقتی دوشرگه کیمی ایستیفاده اوچون تورپاق آییرماغی تاپشیرمیشدی.
دوغو آفریقا اؤلکهلریندن اولان کنیا ایله یاناشی، تانزانیا، بروندی و کونگو دموکراتیک جمهوریتی ده گوجلو یاغیشلارین یاراتدیغی داشقینلاردان منفی تأثیرلنیر.