الکللو ایچکی ایچمک عضله ایتکیسینه یول آچیر
یوکسک مقداردا ایچکی مصرفینین عضله کوتله‌لرینه تأثیرینی آراشدیرماق مقصدیله، یاشلاری ۳۷ ایله ۷۳ اولان تخمیناً ۲۰۰ مین نفرین معلوماتلارینی اینجه‌له‌دی
یوکسک مقداردا الکللو ایچکی ایچمک، ایر‌لی یاشلاردا عضله کوتله‌سی ایتکیسینه یول آچیر.
مدیکال نیوز سایتین‌دا یئر آلان خبره گؤره، اینگیلتره‌ده‌کی ائست آنجلیا اونیوئرسیته‌سیندن آراشدیرماچیلار، گئنیش بیومدیکال قایناق و وئریله‌لر مرکزی اولان یوکا بیوبانک‌دان، یوکسک مقداردا ایچکی مصرفینین عضله کوتله‌لرینه تأثیرینی آراشدیرماق مقصدیله، یاشلاری ۳۷ ایله ۷۳ اولان تخمیناً ۲۰۰ مین نفرین معلوماتلارینی اینجه‌له‌دی.
آراشدیرمایا، بنزر بده‌ن بؤیوکلوکلرینه صاحب شخصلرین معلوماتلاری داخیل ائدیلرکه‌ن، بو شخصلرین فیزیکی فعالیت سویه‌لرینین و پروتئین مصرفی نیسبتلرینین ده یاخین اولماسینا دقت یئتیریلدی.
اینسانلارین بدن بؤیوکلوکلرینه نیسبتله صاحب اولدوقلاری عضله کوتله‌لری ایله ایچکی ایچمه‌لری آراسینداکی باغلانتینین ایزله‌نیلدیگی چالیشمادا، اؤزللیکله یاشلاری ۵۰ ایله ۶۰ اولان شخصلرده الکل ایچنلرین داها آز ایچنلره مقایسه‌ده اسکلت عضله‌سیi کوتله‌سینین آز اولدوغو قید ائدیلدی.
ایشتیراکچیلار آراسین‌دا گونده بیر شوشه شراب و داها چوخونو ایچن ایشتیراکچیلارین ان آز عضله کوتله‌سینه صاحب کسیم اولدوغو اورتایا قویولدو.
بیلیم اینسانلاری، اؤزللیکله اورتا یاش و یاشلیلیغین ایلک دؤورلرین ده یوکسک نیسبت‌ده ایچکی ایچمه‌ینین جدی عضله پروبلئملرینه یول آچابیله‌جگینی ایفاده ائد‌رک، بو یاشلاردا ایچکینین اؤنملی نیسبت‌ده آزالدیلماسی لازیم اولدوغونو قید ائتدی.
چالیشما "کالسیفاید تیشو اینترنشنل" درگیسینده یاییملاندی.
