تورکیه ایله کویت آراسیندا تیجاری امکداش‌لیق ایمکان‌لاری اینکیشاف ائدیر

تیجارت ناظیری عمر بولات ایلین ایلک 10 آیی اعتباریله تورکیه-نین کویته صادراتی‌نین 575 میلیون دو‌لار، قارشی‌لیق‌لی تیجارت حجمی‌نین ایسه 680 میلیون دو‌لار اولدوغونو بیلدیریب.

کویت-ده تیجارت ناظیرلیگی‌نین کووردیناسیونوندا تورکیه صادراتچیلار مجلیسی و ایستانبول تئکستیل و حاضیر گئییم صادراتچیلار بیرلیک‌لری (ایتکیب) طرفیندن تشکیل ائدیلن تورکیه-کویت تیجارت نوماینده‌لیگی و ایکی طرف‌لی گؤروش‌لر کئچیریلیب.

توپلانتیدا تیجارت ناظیری عمر بولات، کویت-ین صنایع و تیجارت ناظیری محمد عثمان الایبان، تورکیه-نین کویت-ده‌کی سفیری طوبا نور سؤنمز، تورکیه صادراتچیلار مجلیسی‌نین صدری مصطفی گول‌تپه و ایش آدام‌لاری ایشتیراک ائدیب.

تدبیرین آچیلیشیندا چیخیش ائدن بولات دئییب:

"جاری ایلین ایلک 10 آییندا تورکیه-نین صادراتی 575 میلیون دو‌لار، قارشی‌لیق‌لی تیجارت ایسه 680 میلیون دو‌لار سویه‌سینده‌دیر. بونو قارشی‌لیق‌لی دانیشیق‌لارلا، سرگئی لر، ساتین آلما هئیت‌لری پروقرام‌لاری، عمومی تیجارت نوماینده‌لری و سئکتورال تیجارت هئیت‌لری پروقرام‌لاری ایله سرعتله آرتیراجاغیق".

بولات همچنین کویت دؤولتی ایله "بایکار" شیرکتی آراسیندا میللی سیها "بایراکتار تب2" صادرات موقاویله‌سی پروسه‌سی‌نین اوغورلا تاماملاندیغینی خاطیرلادیب و تورک ایش آدام‌لاری‌نین کویت-ده مهم موقاویله اوغورلاری الده ائتدیگینی بیلدیریب.