تورک چایی صادراتی آرتدی
تورکیه‌دن کؤرفز اؤلکه‌لرینه سون 6 ایلده ائدیلن صادرات، میقدار اولاراق یوزده 25، دگر اساسیندا ایسه یوزده 31 آرتیش گؤستردی
کؤرفز اؤلکه‌لرین‌دن گلن عرب توریست‌لرین دوغو قارادنیزه ماراق گؤسترمه‌سی، بؤلگه‌ده توریست ساییسی‌نین یانیندا "تورک چایی" صادراتی‌نین دا آرتماسینا سبب اولدو.
دوغو قارادنیز صادراتچی‌لار بیرلیگی بیلگیلرینه گؤره، تورکیه‌دن کؤرفز اؤلکه‌لرینه سون 6 ایلده ائدیلن صادرات، میقدار اولاراق یوزده 25، دگر اساسیندا ایسه یوزده 31 آرتیش گؤستردی.
تورکیه‌دن کؤرفز اؤلکه‌لرینه ائدیلن و 6 ایلدیر آرتیش گؤسترن تورک چایی صادراتیندا گئچن ایل 532 مین کیلوگراملا عراق ایلک سیرانی آلدی. عراقی عربیستان، بیرلشمیش عرب امیرلیک‌لری، کویت، قطر، ایران، عمان و بحرین تعقیب ائتدی.
گئچن ایل بو اؤلکه‌لره توپلام 660 مین 798 کیلوگرام چای صادر ائدیله‌رک، قارشیلیغیندا ایسه 2 میلیون 719 مین 433 د‌لار گلیر گلدی.
دوغو قارادنیز صادراتچی‌لار بیرلیگی یؤنه‌تیم قورولو یاشقانی احمد حمدی گوردوغان، چایین دوغو قارادنیزین ان اؤنم‌لی اکینچی‌لیک محصوللاریندان اولدوغونو سؤیله‌دی.
دوغو قارادنیزه سون ایللرده کؤرفز اؤلکه‌لردن گلن توریست‌لرین آرتماسییلا توریزمین یانیندا بؤلگه اقتصادی‌نین دیگر ساحه‌لرینه ده قاتقی تامین ائدیلدیگینی ایضاح ائدن گوردوغان، بون‌لاردان بیری‌نین ده تورک چایی صادراتی اولدوغونو دیله گتیردی.
ایلگیلی‌لی خبرلر
تورکیه-نین خام پولاد اوره تیمی آرتیب
تورکیه-نین خام پولاد اوره تیمی آوریل آییندا کئچن ایلین عینی آیینا گؤره 4،4 فایز آرتیب.
چین-دن تورک لیمان‌لارینا 3 میلیون تون‌دان چوخ یوک داشینیب
بو باره‌ده تورکیه-نین نقلیات و آلت یاپی ناظیرلیگی معلومات یاییب.
