آورآسیا جمهوریتلرینین گۆندمینده‌کی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیه‌یه رسمی سفر گئرچکلشدیردی
۷ می ۲۰۲۴ تاریخینده ماجاریستان خاریجی ایشلر و خاریجی تیجارت باخانی پتر سیارتو اؤزبکیستانا سفر گئرچکلشدیردی. باخان پتر سیارتو داشکند‌ده اؤزبکیستان جمهورباشقانی شؤوکت میرضیایئو طرفیندن قبول ائدیلدی. ماجاریستان خاریجی ایشلر و خاریجی تیجارت باخانی سیارتو اؤزبکیستان-ماجاریستان حکومتلرآراسی کمیسیونو ییغینجاغینا قاتیلدی. اؤزبکیستان آوروپا اؤلکه‌لریندن گله‌جک سرمایه‌چیلر اوچون اؤزل سربست اقتصادی بؤلگه تیکیر.
۷ می ۲۰۲۴ تاریخینده ولادیمیر پوتین آند ایچرک ۵.جی دفعه روسیا دؤولت باشقانی وظیفه‌سینه باشلادی. ولادیمیر پوتین آلتی ایل وظیفه‌ده اولاجاق. ۱۰ می تاریخینده دومانین تصدیقینی آلان میخائیل میشوستین یئنیدن روسیا فئدراسیونو باشباخانی تعیین ائدیلدی.
۹ می ۲۰۲۴ تاریخینده موسکوا شهرینده یوکسک آورآسیا اقتصادی شوراسی ۱۰.جو ییغینجاغی گئرچکلشدیریلدی. ییغینجاغا بلاروس، ارمنیستان، قازاقیستان، قیرقیزیستان، کوبا، اؤزبکیستان و روسیا لیدئرلری قاتیلدی. ییغینجاق چرچیوه‌سینده چوخ ساییدا ایکیلی گؤروشمه‌لر ائدیلدی. عینی گون لیدئرلر ظفر بایرامی مراسیمینده ایشتیراک ائتدیلر. ۹ می ظفر بایرامی مراسیمینه تۆرکمنیستان، قاقاووز یئری باشقانلاری دا ایشتیراک ائتدیلر.
۱۰-۱۱ می ۲۰۲۴ تاریخلرینده آلماتی شهرینده آذربایجان و ارمنیستان خاریجی ایشلر باخانلاری باریش گؤروشمه‌لری ائتدیلر. گؤروشمه‌لرله باغلی ائدیله‌ن آچیقلامادا، طرفلر آراسیندا گؤروش آیریلیقلارینین اولدوغو، حل گؤزله‌یه‌ن مؤوضوعلار اوزرینده موذاکیره‌لرین داوام ائتدیریلمه‌سی قونوسوندا آنلاشمایا واریلدیغی بیلدیریلدی. ایرواندا موخالیفت آذربایجان ایله باریش گؤروشمه‌لرینین ائدیلمه‌سینه اعتراض ائدیر.
***
۶ می ۲۰۲۴ تاریخینده باکیدا اولوسلارآراسی تۆرک آکادمیسی طرفیندن تۆرک دونیاسی اورتاق الیفبا کمیسیونو ۲.جی ییغینجاغی گئرچکلشدیریلدی. ییغینجاغا قازاقیستان، قیرقیزیستان، قوزئی قیبریس تۆرک جمهوریتی اؤزبکیستان و تۆرکیه‌دن متخصصلر قاتیلدی.
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیه‌یه رسمی سفر گئرچکلشدیردی. باشباخان اسدوو اؤنجه قهرمان‌ماراشا گئده‌رک آذربایجان طرفیندنزلزله‌دن ضرر گؤرونلر اوچون تیکیلمکده اولان تیکینتیلری یئرینده آراشدیردی. ۸ می تاریخینده باشباخان علی اسدوو آنکارادا تۆرکیه جمهورباشقانی رجب طیب اردوغان طرفیندن قبول ائدیلدی. عینی گون باشباخان علی اسدوو و تۆرکیه جمهورباشقانی کؤمکچیسی جؤودت ییلماز تۆرکیه-آذربایجان ۱۱.جی دؤنم قاریشیق اقتصادی کمیسیونو ییغینجاغینا باشقانلیق ائتدیلر. ییلماز و اسدوو تۆرکیه-آذربایجان ایش فورومونا قاتیلاراق دانیشدیلار.
۸ می ۲۰۲۴ تاریخینده بولقاریستان باشباخانی رومالی رادئو آذربایجانا رسمی سفر گئرچکلشدیردی. باکیدا آذربایجان جمهورباشقانی ایلهام علییئو باشباخان رادئوی رسمی مراسیمله قارشیلادی. ائدیله‌ن گؤروشمه‌لردن سونرا ایکی اؤلکه آراسیندا استراتژیک اورتاقلیغین گوجلندیریلمه‌سینه باغلی اورتاق بیلدیری ایمضالاندی.
نیکول پاشینیان موسکوادا ایکه‌ن، ارمنیستانین کولکتیو گۆونلیک آنلاشما تشکیلاتی ایله ایلیشکیلرینی پاسیولشدیردیگی، بو ایل اوچون تشکیلاتا قاتقی پایی اؤدنمه‌دیگینه دایر ایرواندان آچیقلامالار ائدیلدی.
گورجوستان مجلیسی ۱ می ۲۰۲۴ تاریخینده خاریجی جاسوس قانون لایحه‌سینی قبول ائتمیشدی. او گوندن بو یانا موخالیفت قانونون گئری چکیلمه‌سینی طلب ائد‌رک میتینگلر تشکیل ائدیر. گورجوستان و ارمنیستاندا باتی ایله روسیانین چکیشمه‌سی قیزیشدی.
ایلگیلی‌لی خبرلر
اورتا آسیا جمهوریتلرینین گوند‌مینده‌کی گلیشمهلر
دونیانین اؤنده گلن اؤلکه‌لری اورتا آسیا جمهوریتلرینی بیر بوتون اولاراق گؤرمه‌یه باشلادیلار
