تۆرک جمهوریتلرینین اولوسلارآراسی قورولوشلارینین سون آیلارداکی فعالیتلری-۱
تۆرک دؤولتلر تشکیلاتی اولوسلارآراسی تۆرک قورولوشلارینین اوست قورولوشو اولاراق اؤنملی ایشلره اؤندرلیک ائدیر
تۆرک جمهوریتلرینین اولوسلارآراسی قورولوشلارینین سون آیلارداکی فعالیتلری-۱
۲۰۲۳-جو ایلده تۆرک دۆنیاسینین گۆجلهنمهسی و تۆرک جمهوریتلرینین قایناشماسی آدینا اؤنملی گلیشمهلر یاشانمیشدی. بو مدت ۲۰۲۴-جو ایلین ایلک اوچ آییندا دا داوام ائتدی. ایندی اولوسلارآراسی تۆرک قورولوشلارینین اۆست قورولوشو اولان تۆرک دؤولتلری تشکیلاتی و تۆرکپانین سون ایکی آیداکی اؤنملی فعالیتلرینه باخاجاغیق.
۱۵-۲۳ فوریه ۲۰۲۴ تاریخلرینده تۆرک دؤولتلری تشکیلاتی باش یازمانی کوبانیچبک عؤمورعلییئو آمریکا بیرلشمیش دؤولتلرینده گؤروشمهلر گئرچکلشدیردی. بیرلشمیش میللتلر و آمریکا بیرلشمیش دؤولتلری حکومتی اۆستدوزئی نمایندهلری ایله گؤروشمهلر ائدن باش کاتیب عؤمورعلییئو، آمریکا بیرلشمیش دؤولتلرینین اؤنده گلن دوشونجه قورولوشلارینین باشقانلاری ایله ده گؤروشدو.
۲۲ فوریه ۲۰۲۴ تاریخینده تۆرکپا باش کاتیبی محمد ثریا ار باشقانلیغینداکی تۆرکپا هیئتی باکیدا تشکیل ائدیلهن آسیا پارلامنترلر آسامبلهسی ۱۴.جو باش قورولونا قاتیلدی. باش قورولا ۴۰ اؤلکهدن پارلامنتر تمایندهلری قاتیلدیلار. آسیا پارلامنترلر آسامبلهسی دؤنم باشقانلیغی تۆرکیهدن آذربایجانا گئچدی. آسیا پارلامنتارلر آسامبلهسی باش قورولو موناسیبتی ایله باکیدا اولان تۆرکیه بؤیوک میللت مجلیسی باشقانی نعمان کورتولموش، تۆرکپا باش کاتیبلیگینه گئتدی.
آنتالیا دیپلوماسی فورومو چرچیوهسینده ۱ مارس ۲۰۲۴ تاریخینده تۆرک دۆنیاسیندا قورومساللاشما: ۲۱.جی عصرده تۆرک دؤولتلری تشکیلاتی باشلیقلی پانئل اوتورومو ائدیلدی. پانئله اولوسلارآراسی تۆرک قورولوشلارینین ایدارهچیلری، تۆرک جمهوریتلری خاریجی ایشلر باخانلاری قاتیلدیلار. پانئلده تۆرک دۆنیاسینین گلهجگی موذاکیره ائدیلدی.
۶ مارس ۲۰۲۴ تاریخینده ایستانبولدا تۆرک دؤولتلری تشکیلاتینا عضو و گؤزلمچی دؤولتلرین میللی اولاشدیرما درنکلری باشقانلاری بیرینجی ییغینجاغی گئرچکلشدیریلدی. ییغینجاق نتیجهسینده تۆرک دؤولتلری تشکیلاتی میللی نقلیات درنکلری بیرلیگی قورولدو.
تۆرک دؤولتلری تشکیلاتی مسلمان دینی قورول باشقانلاری شوراسی فتوا ایش بیرلیگی قروپو ایلک دفعه رمضان آیینین باشلانغیج گونونو ۱۱ مارس ۲۰۲۴ تاریخی اولاراق اورتاق شکیلده تعیین ائتدی.
تۆرک دؤولتلری تشکیلاتی آغساققاللار شوراسی ۱۵.جی ییغینجاغی ۱۱-۱۲ مارس ۲۰۲۴ تاریخلرینده عشق آباد شهرینده تشکیل ائدیلدی. آغساققاللار شوراسینین ۱۶.جی ییغینجاغی بوداپشتده تشکیل ائدیلهجک.
***
۲۰ مارس ۲۰۲۴ تاریخینده قازاقیستانین تاراز شهرینده تۆرک دؤولتلری تشکیلاتی اکینچیلیکدن مسئول باخانلار ۳.جو ییغینجاغی گئرچکلشدیریلدی. ییغینجاق چرچیوهسینده تۆرک دؤولتلری تشکیلاتی ۳.جو تۆرک اکینچیلیک ایش فورومو دا ائدیلدی. اکینچیلیک باخانلارینین قراری ایله ۲۰۲۴-جو ایلین سپتامبر آییندان اعتباراً تاراز شهری تۆرک دؤولتلری تشکیلاتی اکینچیلیک باشکندی اعلان ائدیلدی.
تۆرکپا باش یازمانی محمد ثریا ار، ۲۳-۲۷ مارس ۲۰۲۴ تاریخلرینده ژنوده گئرچکلشدیریلن ۱۴۸.جی پارلامنتلرآراسی بیرلیک آسامبلهسینه قاتیلدی. پارلامنترلرین ییغینجاغینا آذربایجان و قازاقیستان مجلیس باشقانلاری دا قاتیلدیلار.
گلیشمهلردان گؤرولدوگو اوزره تۆرک دؤولتلر تشکیلاتی اولوسلارآراسی تۆرک قورولوشلارینین اوست قورولوشو اولاراق اؤنملی ایشلره اؤندرلیک ائدیر. تۆرک دؤولتلر تشکیلاتینین بیرلشمیش میللتلره گؤزلمچی اولماسی قونوسو گوندمده. تۆرکپا تۆرک جمهوریتلری آراسیندا امکداشلیق آلت یاپیسینین ساغلام اولماسی اوچون چابا صرف ائدیر.
ایلگیلیلی خبرلر
تۆرک جمهوریتلرینین گوندمیندهکی گلیشمهلر
حاضردا دونیانین ۱۵ اؤلکهسینده ۲۹ آذربایجان ائوی خیدمت ائتمکدهدیر