گونئی قافقازدا گئچه‌ن هفته
ارمنیستانین آذربایجان ایله اولان پروبلئملرینی باشقالارینا شیکایت ائتمه‌سی، تهران یؤنه‌تیمینین بعضی تخریبات ایچریکلی چیخیشلاری آذربایجانین یوکسلمه‌سینی انگلله‌یه‌بیلمه‌یه‌جک
گئچه‌ن هفته گونئی قافقاز جمهوریتلرینده اؤنملی بیر ذیروه و دقته دگر سفرلر ائدیلدی. ایندی اونلارا سیراسی ایله باخاجاغیق.
آذربایجان جمهورباشقانی ایلهام علییئو ۲۷ فوریه ۲۰۲۳ تاریخینده روسیا فدراسیونو خاریجی ایشلر باخانی سرگئی لاورووو قبول ائتدی. گؤروشمه‌ده ایکی‌لی ایلیشکیلری ماراقلاندیران موختلیف مؤوضوعلار، بؤلگه‌سل امکداشلیق و پروبلئملر اله آلیندی. سرگئی لاوروو ایکی گونلوک باکی سفری چرچیوه‌سینده آذربایجانلی قونومداشی جئیحون بایراموو ایله ده هر طرفلی گؤروشمه گئرچکلشدیردی.
روسیا و ارمنیستان خاریجی ایشلر باخانلاری ۳ مارس ۲۰۲۳ تاریخینده هیندیستاندا بیر آرایا گلدیلر. آرارات میرزویان و سرگئی لاوروو آراسیندا ائدیله‌ن گؤروشمه‌ده آذربایجان-ارمنیستان باریش سۆره‌جی اله آلیندی. ارمنیستانین سون دؤورده هیندیستان ایله داها یاخین امکداشلیق یئریتدیگی دقت چکیر.
۲ مارس ۲۰۲۳ تاریخینده ارمنیستان باشباخانی نیکول پاشینیان آلمانیایا ایش سفری گئرچکلشدیردی. برلینده نیکول پاشینیان آلمانیا باشباخانی اولاف شولتس ایله گؤروشدو. باشباخانلار گؤروشمه سونراسی اورتاق مطبوعات توپلانتیسی تشکیل ائتدیلر. باشباخان نیکول پاشینیان ۳ مارس تاریخینده آلمانیا جمهورباشقانی فرانک-والتر اشتاین‌مایر ایله گؤروشدو. ارمنیستان باشباخانی آیریجا آلمانیا مجلیسینده میللت وکیللرینه خطاب ائتدی. پاشینیان آلمانیادا وئردیگی آچیقلامالاریندا تورکیه ایله ایلیشکیلری دوزلتمک ایسته‌دیکلرینی تکرارلادی.
روسیا وطنداشلیغیندان چیخاراق قاراباغا گلیب یئرلی یؤنه‌تیمین باشباخانی اولان روبن واردانیان آذربایجانین باسقیلاری نتیجه‌سینده وظیفه‌سینی بوراخماق مجبوریتینده قالدی. عمومیتله قاراباغ‌داکی وضعیت روسیا و باتی آراسیندا چکیشمه قونوسو اولماغا داوام ائدیر. روسیا آوروپا بیرلیگینین قاراباغا گؤندردیگی گؤزلمچیلردن راحاتسیزدیر. دسامبر آیینداکی اوچ طرفلی (روسیا- آذربایجان- ارمنیستان) ییغینجاغین ارمنیستان طرفیندن لغو ائدیلمه‌سی، باشباخان پاشینیانین کولکتیو گوونلیک آنلاشما تشکیلاتی ذیروه‌سی سونوج بیلدیرگه‌‌سینی ایمضالاماماسی، تشکیلاتین ۲۰۲۳-جو ایلده ارمنیستاندا ائدجگی عسگری مانورلارین لغو ائدیلمه‌سی کیمی گلیشمه‌لر، روسیا-ارمنیستان ایلیشکیلرینین سون دؤورده ایسته‌نیله‌ن سویه‌ده اولمادیغینی اورتایا قویور.
***
۲ مارس ۲۰۲۳ تاریخینده باکی‌دا باغلانتیسیزلار حرکتی کووید-۱۹ ایله موباریزه تماس قروپو ذیروه‌سی ائدیلدی. ذیروه‌یه بوسنی هرزگووین، عراق، لیبی، اؤزبکیستان و تورکمنیستان جمهورباشقانلاری، کوبا، گابون، تانزانیا جمهورباشقانی کؤمکچیسی، جزایر و کنیا باشباخانی، بیرلشمیش میللتلر، تورک دؤولتلر تشکیلاتی کیمی اولوسلارآراسی تشکیلاتلارین ایداره‌چیلری، توپلامدا ۷۰ اؤلکه‌دن نماینده‌لر ایشتیراک ائتدی. ذیروه سونوندا باکی بیاننامه‌سی قبول ائدیلدی. ذیروه چرچیوه‌سینده جمهور باشقانی ایلهام علییئو لیدئرلر ایله ایکی‌لی گؤروشمه‌لر گئرچکلشدیردی.
آذربایجان باغلانتیسیزلار حرکتی دؤنم باشقانلیغینی ان یاخشی شکیلده ایجرا ائتدی. کووید-۱۹ دؤورونده آذربایجان ۸۰دن چوخ اؤلکه‌یه کؤمک گؤندردی. باغلانتیسیزلار حرکتی ذیروه‌سی و دؤنم باشقانلیغی آذربایجانیناولوسلارآراسی ساحه‌ده‌کی آغیرلیغینی آرتیردی.
ارمنیستانین آذربایجان ایله اولان پروبلئملرینی باشقالارینا شیکایت ائتمه‌سی، تهران یؤنه‌تیمینین بعضی تخریبات ایچریکلی چیخیشلاری آذربایجانین یوکسلمه‌سینی انگلله‌یه‌بیلمه‌یه‌جک. روسیا ایله گلیشدیریلن استراتژیک امکداشلیق، هم دوغو-باتی هم ده گونئی-قوزئی نقلیات دالانلاریندا آذربایجانین کیلید اؤلکه مؤقعیتینه گلمیش اولماسی بونون آچیق گؤستریجیسیدیر.
ایلگیلی‌لی خبرلر
تۆرک جمهوریتلرینین گوندمیندهکی گلیشمه‌لر
حاضردا دونیانین ۱۵ اؤلکه‌سینده ۲۹ آذربایجان ائوی خیدمت ائتمکده‌دیر
