اؤزبکیستان جمهورباشقانی میرضیایئوین عربیستان سفری
جمهورباشقانی میرضیایئوین وئریملی گئچه‌ن ایلک سعودی عربیستانی سفریندن سونرا ایکی اؤلکه ایلیشکیلری داها دا گلیشه‌جک، اؤزبکیستان‌دا عرب سرمایه‌لری آرتاجاق
اؤزبکیستان جمهورباشقانی شؤوکت میرضیایئو، کرال سلمان بن عبدالعزیزین دعوتی ایله ۱۷-۱۸ آگوست ۲۰۲۲ تاریخلرین‌ده سعودی عربیستانا سفر گئرچکلشدیردی. ۱۷ آگوست تاریخینده جمهورباشقانی میرضیایئو مدینه‌نی زیارت ائتدی.
عینی گون جمهورباشقانی میرضیایئو جده شهرینه گئچدی. ولیعهد محمد بن سلمان، جمهورباشقانی میرضیایئوی رسمی مراسیمله قارشیلادی. آردین‌دان ایکیلی گؤروشمه ائدیلدی. گؤروشمه سونون‌دا ایکی اؤلکه آراسین‌دا انرژی، گؤمروک، هاواچیلیق، اکینچی‌لیک، ساغلیق کیمی ساحه‌لری احاطه ائدن ۱۵ آنلاشما ایمضالاندی. اؤزبکیستان و سعودی عربیستان آراسین‌دا جامع امکداشلیغی گلیشدیرمه قونوسوندا اورتاق بیلدیری قبول ائدیلدی.
۱۸ آگوست تاریخینده جمهورباشقانی شؤوکت میرضیایئو، ایسلام امکداشلیق تشکیلاتی باش کاتیبی حسین ابراهیم طه ایله گؤروشدو. گؤروشمه‌ده تشکیلاتین اؤزبکیستان ایله امکداشلیق، افغانیستان‌داکی وضعیت کیمی قونولار اله آلیندی. خاطیرلاتماق لازیمدیر کی، ایسلام امکداشلیق تشکیلاتی طرفیندن خیوه شهری گئچه‌ن آی "۲۰۲۴ ایسلام دونیاسینین مدنیت باشکندی" سئچیلمیشدی.
اؤزبکیستان جمهورباشقانی میرضیایئو، ایسلام قالخینما بانکی یؤنه‌تیچیلر قورولو باشقانی محمد بن سلیمان الجاسر ایله ده گؤروشدو. ایسلام قالخینما بانکینین مالیه‌لشدیردیگی توپلام ۱،۲ میلیارد دلار مبلغینده‌کی پرويه‌لر اؤزبکیستان‌دا حیاتا گئچیریلیر.
جده شهرینده جمهورباشقانی میرضیایئو، سعودی عربیستانین اؤنده گلن ایش‌آداملاری ایله ده گؤروشدو. گؤروشمه‌یه سعودی عربیستان سرمایه باخانی خالد الفالح ده قاتیلدی. توپلانتیدا ایکیلی اقتصادی ایلیشکیلر و اؤزبکیستانین سرمایه ایمکانلاری تانیدیلدی. میرضیایئوین سفری عرفه‌سینده گئرچکلشدیریلن اؤزبکیستان-سعودی عربیستان ایش شوراسیندا توپلام ۱۴ میلیارد دلار مبلغینده پروژه‌لرین آنلاشماسی تامین ائدیلمیشدی.
اؤزبکیستان جمهورباشقانی، سعودی عربیستان‌دا مقدس مکانلاری زیارت ائتدی.
جمهورباشقانی میرضیایئوین ۱۵ آگوست ۲۰۲۲ تاریخینده ایمضالادیغی قرارلا یئنی امام بخاری یوکسک دؤولت اؤدولو یارادیلمیشدی. بو اؤدول ایلک اولاراق سعودی عربیستان کرالی سلمان بن عبدالعزیزه وئریلدی. امام بخاری اؤدولو ایسلام دونیاسینین میراثینی آراشدیرانلارا و تحصیل و بیلیم ساحه‌سینه قاتقیسی اولانلارا وئریله‌جک.
*
اؤزبکیستان ۱ ژانویه ۲۰۲۳ تاریخیندن اعتباراً سعودی عربیستان وطنداشلارینا ۱ آیلیق ویزاسیز گیریش حاقی تانییاجاق. اؤزبکیستان، عربلر طرفیندن ایسلام مدنیتینین بئشیکلریندن بیری اولاراق بیلیندیگیندن، بورالاری گؤرمک ایسته‌یه‌نلر چوخ اولاجاق.
سعودی عربیستانینین آکوا پاور (ACWA Power) شیرکتی اؤزبکیستان‌دا کولک انرژی‌سینی اۆرتمه تاسیسلری تیکیر. شیرکتین بو ساحه‌یه قویدوغو سرمایه ۲ میلیارد ۶۰۰ میلیون دلاردیر. اؤزبکیستان انرژی باخانلیغی بو ساحه‌ده امکداشلیغی گئنیشلتمک اوچون ۱۲ میلیارد دلارلیق اوچ یئنی آنلاشمانین ایمضالاندیغینی بیلدیردی. اؤزبکیستان جمهوریتی ۲۰۳۰.جو ایله قدر ایستیفاده ائدیله‌ن انرژینین یوزده ۲۵ینی یئنیلنه‌بیلر انرژیدن اۆرتمه‌گی پلانلاییر.
سعودی عربیستانین ایندییه قدر اؤزبکیستانا قویدوغو بیر باشا سرمایه‌سی، توپلامدا ۱،۵ میلیارد دلاری گئچدی. بو سرمایه‌نین یاری‌سیندان چوخو سون بئش ایلده ائدیلدی. جمهورباشقانی میرضیایئوین وئریملی گئچه‌ن ایلک سعودی عربیستانی سفریندن سونرا ایکی اؤلکه ایلیشکیلری داها دا گلیشه‌جک، اؤزبکیستان‌دا عرب سرمایه‌لری آرتاجاق.
ایلگیلی‌لی خبرلر
تۆرک جمهوریتلرینین گوندمیندهکی گلیشمه‌لر
حاضردا دونیانین ۱۵ اؤلکه‌سینده ۲۹ آذربایجان ائوی خیدمت ائتمکده‌دیر
