تاریخده بو گون: 16 ژانویه
تاریخین بو گونو هارادا نلر باش وئریب، کیملر خاطیرلانیر؟ قیساجا نظر سالاق.
تاریخین بو گونو هارادا نلر باش وئریب، کیملر خاطیرلانیر؟ قیساجا نظر سالاق.
قافقازی اله کئچیرمک اوغروندا صفوی – عثمانلی (ایران-تورکیه) محاربهسی 1732-جی ایل 16 ژانویه تاریخینده باشا چاتدی و باریش موقاویلهسی ایمضالاندی. بونونلا دا چوخ عصرلیک موناقیشهنین داها بیر مرحلهسی سونلاندی.
مشهور ایختیراچی، فرانسیز کیمیاچیسی و فیزیکی ژوزف لویی گیلوساک1804-جو ایلین 16 ژانویه سینده هیدروژن لی شار بالونو ایچینده 7016 متر یوکسکلیگه قالخدی. بو رکورد 50 ایل بویو تکرارلانمادی.
روسیادا سوسیالیست اینقیلابینین فعاللاریندان بیری و لنین ین سلاحداشی اولان جوزف ایستالین 1928-جی ایل 16 ژانویه ده سسری-نین باش کاتیبی وظیفهسینی اله کئچیردی. بوندان سونرا استالین اقتدار موباریزهسینه گیرن و لئو تروتسکینین ده اولدوغو موخالیف سیاستچیلری اؤلکه خاریجینه سورگونه گؤندرمک بارهده قرار وئردی.
قئید ائدک کی، 20 ژانویه ده سورگونه گؤندریلن تروتسکی حیات یولداشی و اوغلو ایله بیرلیکده فوریه نین 14-ده تورکیه-یه گلیب و 4 ایل یاریم ایستانبول-دا یاشاییب.
لیبیا-دا 1969-جو ایل آزاد ظابطلر حرکاتینین لیدری معمر قذافی چئوریلیشله حاکمیتی اله کئچیردی. یئنی آنایاسا قوهیه میندیکدن سونرا او، 1970-جی ایلین 16 ژانویه ده باش و مودافعه ناظیری وظیفهلرینی ده بوینونا گؤتوردو.
40 ایلدن آرتیق اؤلکه نی تکباشینا ایداره ائدن قذافی 2011-جی ایلده اؤلکهده چیخان قیامدان سونرا ساخلاندیغی سیرته شهرینده لینچ ائدیلهرک اؤلدورولدو.
لینچ هئچ بیر عدالتلی موحاکیمه اولمادان اینسانلارا وئریلن جزادیر.
1991 -جی ایلین 16 ژانویه ده امریکا و متفیقلری کویتی ایشغال ائدن عراقا قارشی"صحرا فیرتیناسی" حرکاتینا باشلادیلار. حرکاتدا ایلک اولاراق هاوا عملیاتی و مرمی هوجوملاری حیاتا کئچیریلدی.
بیرینجی کؤرفز محاربهسی اولاراق تاریخه دوشن "صحرا فیرتیناسی" حرکاتینین باشلاماسی ایله عراق اردوسو دا ایسرائیلی اسکاد راکتی ایله آتشینه توتدو.
ایلگیلیلی خبرلر
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی