تاریخده بو گون: 12 ژانویه
تاریخین بو گونو هارادا نلر باش وئریب، کیملر خاطیرلانیر؟ قیساجا نظر سالاق.
تاریخین بو گونو هارادا نلر باش وئریب، کیملر خاطیرلانیر؟ قیساجا نظر سالاق.
ایستانبولون بی اوغلو محله سینده اینشا ائدیلن تونل 1875-جی ایلین 12 ژانویه دن یولجو داشیماغا باشلادی. بو تونل لوندون متروسوندان سونرا دونیانین کؤهنه سیستملی ایکینجی یئرالتی اجتماعی نقلیات سیستمیدیر.
1939 -جو ایلده بی اوغلو تونلی میللیلشدیریلدی.
1908 -جی ایلین کؤهنه تقویمله 12، یئنی تقویمله 25 ژانویه تاریخینده آذربایجانین پایتاختی باکی-دا اوزئییر حاجی بیووون “لیلی و مجنون” اوپراسینین ایلک نوماییشی اولدو.
بوتون شرقین ایلک اوپراسیندا مجنون رولوندا حسین قلی سارابسکی، لیلی رولوندا ایسه، او واختلار هله قادین آکتریسا اولمادیغینا گؤره، چایچی شاگیردی عبدالرحیم فرجوو اویناییردی. اوپرانین دیریژورو ایسه تانینمیش یازیچی و دراماتورو عبدالرحیم هاقوئردیئو ایدی.
12 ژانویه 1920-جی ایلده سون عثمانلی مئبوسان مجلیسی ایستانبول-دا توپلاندی.
هم سلطان، هم ده آنادولو خالقینی تمثسیل ائدن میللت وکیللرینین ایشتیراک ائتدیگی مجلیس اؤلکهنین تورپاق بوتؤولوگونون تامین ائدیلمهسی و تام موستقیللیک نامینه "میثاق میللی " قرارینی وئردی. بوندان راضی قالمایان متفیقلر 16 مارس دا ایستانبولو رسما ایشغال ائتدیلر و مجلیسی داغیتدیلار. میللت وکیللرینین بیر قیسیمی حبس اولوناراق مالتا آداسینا سورگون ائدیلدی.
1991 -جی ایل 12 ژانویه ده امریکا کنگره سی عراق اردوسونون کویت-دن چیخاریلماسی اوچون حکومته امرائتمه صلاحیتی وئردی. بو قرار بیرینجی کؤرفز محاربهسینین باشلانماسینا سبب اولدو.
12 ژانویه 2006-جی ایلده حج زیارتی اوچون مینادا اولان حاجی نامیزدلری ایزدیهامیندا 364 آدام حیاتینی ایتیردی.
ایلگیلیلی خبرلر
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی