تورک مطبخی (40)
توی آشی
تورک مطبخی (40)
ت.ر.ت تورکیهنین سسی رادیوسوندان، تورک مطبخی پروقرامیندان هامینیزا سلام. تورک یئمک مدنیتینه دایر قیسا معلوماتلار وئریب، تورک مطبخیندن یئمک تعریفلری وئریریک بو پروقرامدا.
-------
" ائوده آش وارسا هر شئی یولوندادیر" دئییر بیر یازیچی. هم شفا، هم ده حاضیرلاماسی آسان یئمک آش. تاریخی ده چوخ چوخ قدیملره گئدیر. هیتیت میخی یازیلی متنلرینده، اینسانلارین خؤرک بیشیردیگی؛ بوغدا، سوغانی، فرنگی نوخودو، نوخودو، مرجی اتله قاریشدیراراق آش شکلینده توتکتدیکلری بیلینیر. آنتیک یونانیستاندا ایسه، فرنگی نوخود و قارا گؤز آشی پیشیریلمیش.
عثمانلی ایمپراتوروندا دا آشین هر زامان چوخ خصوصی یئری اولوب. سارای مطبخینده ده، خالق مطبخینده ده هر گون ان آزی بیر پایدا آش ایچیلرمیش و آش حاضیرلاماق اوچون ده چوخ فرقلی ماتریاللاردان ایستیفاده ائدرمیش. بادام، پاخلا، شابالید، نارینج، قایسی بو ماتریاللاردان یالنیز بیر نئچه دنهسی. بو ماتریاللارلا حاضیرلانان خؤرکلرین بیر چوخو آرتیق گونوموز تورک مطبخینده یئر آلمیر. اما عثمانلی مطبخیندن میراث قالان بیر آش وار کی، بو گون هله ده تورک مطبخینین باش تاجی. قوزو اتی ایله کئچیریلن و باشدا تویلار اولماق کیمی خصوصی گونلرده کئچیریلن بو آشین آدی؛ توی آشی. تخمین ائدجگینیز کیمی، بیز ده بو گون سیزلرله توی آشی تعریفی پایلاشاجاق.
---------
توی آشی ائتمک اوچون اوّلجه لازیم اولان ماتریاللاری سایاق؛
500 قرام قوزو بویونو
6 سو ایستکانی سو - اتی پؤرتمک اوچون
3 یئمک قاشیغی کره یاغی
2 ایله یئمک قاشیغی اون
دوز
3 سو ایستکانی ات سویو
3 سو ایستکانی سو
دوز
ایستیوت
4 یئمک قاشیغی قاتیق
½ عدد لیمونون سویو
1 عدد یومورتا ساریسی
1 یئمک قاشیغی کره یاغی
توز قیرمیزی بیبر
-----------
زامان گلدی، یئمگیمیزی حاضیرلاماغا. اوّل اتی 6 سو ایستکانی سو ایله بیرلیکده بیر قازانا قویوب قایناماغا بوراخین. سو قاینایاندا آتشی آزالدین و اورتا اوددا قاپاغی اؤرتولو اولاراق بیشیرین. ات یاخشیجا بیشنده، سیم سوزگجده سوزون، سویونو بیر قابدا ساخلایین. اتلری سویودوب سوموکلرینی تمیزلگین و کیچیک پارچالار حالیندا دیدین.
کره یاغی و اونو بیر قازاندا یونگولجه قووورون. اتی گؤردوگونوز سودان 3 سو ایستکانی و 3 سو ایستکانی سویو یاواش-یاواش علاوه ائدهرک قاریشدیرین، دیدیلمیش اتلری علاوه ائدین.
بیر قابدا، قاتیق، یومورتا ساریسی و لیمون سویونو قاریشدیرین. آشین شیرهسیندن 1 قاشیق گؤتورهرک ایچینه قاتین و تربییه ایلیشدیرین(دادلاندیرما ایشین سوزمک) سونرا آشین ایچینه داواملی قاریشدیراراق علاوه ائدین، دوزونو علاوه ائدین و بیر داشیم قاینادین.
بیر تاوادا تؤکدوگونوز 1 یئمک قاشیغی کره یاغینا توز قیرمیزی بیبری قاتین و آشین اوستونه تؤکهرک سرویس ائدین. عافیت اولسون.
----------
تورک مطبخی پروقرامیندا بو گون سیزلره "توی آشی" تعریفی وئردیک. باشقا بیر وئریلیشده بیر باشقا تورک لذتی گؤروشمک اوچون ساغ اولون.
ایلگیلیلی خبرلر
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی