تورک مطبخی (35)
بادیمجان‌لی پیلوو
تورک مطبخی 35
تورک مطبخی پروقرامین‌دان هامینیزا سلاملار سئوگی‌لی اوخویوچولار.
تورک مطبخی‌نین اولمازسا اولماز یئمک‌لرین‌دن بیری ده پیلوو.
سولو یئمک‌لرین و یا ایزقارا‌لاری یانیندا تئز-تئز راسلایابیلیرسیز پیلودور. دوگو، یارما و یا ماکارون نوع‌لری ایله ائدیلمیش، ادویات‌لارلا، اتله، باغلیاتلا و یا تروزلرله لذتلندیریلمیش اولا بیلر عثمانلی مطبخی‌نین ده ان تمل یئمک‌لرین‌دن بیری ایدی پیلوو. ائله کی عثمانلی ساراییندا یالنیز پیلوو ائتمک‌دن مسئول "پیلوجی" آدیندا بیر آشپز اولاردی. بو آشپزلر پیلووو ساییسینی آرتیرماق اوچون دوگونو و یا یارمانی چوخ فرق‌لی وسایل‌لرله بیرلیکده ایستیفاده ائدردی‌لر.
XVI. عصرده عثمانلی ساراییندا اتلی، لاهانا‌لی/ کلم، میوه‌لی، ساریمساق‌لی، قورو اوزوم‌لو و بیبرلی پیلو‌لار ائدیلدیگینی، ساده بیشیریلن پیلو‌لار ایسه اوستونه قورو یئمیش و قورو میوه‌لرین قوورولا‌راق تؤکولدوگونو دئسک نه دئمک ایستدیگیمیز بلکه داها یاخشی آیدین اولار.
بیز ده بو گون تورک مطبخی پروقرامیندا سیزلرله بیر پلوو تعریفی پایلاشماق ایستییریک. دوگو ایستیفاده ائدیله‌رک و بادیمجانلا لذتلندیریلن پیلووموزون آدی؛ "بادیمجان‌لی پیلوو"
----------
بادیمجان‌لی پیلوو بیشیرمک اوچون اوّل لازیم اولان مسایللریمیزی سایاق؛
½ 1 سو ایستکانی بالدو دوگو
2- 3 عدد بادیمجان
2 عدد کیچیک دوغرانمیش سوغان
1 عدد رندلنیلمیش بامادور
1 ایستکان زیتون یاغی
2 ایستکان سو
2 چای قاشیغی دوز
1 چای قاشیغی قارا بیبر
2 شیرین قاشیغی شکر
1 چای قاشیغی یئنی‌باهار
1 شیرین قاشیغی نعناع 1 چای قاشیغی دارچین
-----
سیرا گلدی بادیمجان‌لی پیلووو بیشیرمه‌یه. دوگونو بیر قابا آلین، اوستونو اؤرته‌جک قدر ایستی سو و دوز علاوه ائدیب 30 دقیقه گؤزله‌یین. سونرا سویوق سودا بیر نئچه دفعه یویون و سوزولور بوراخین بو آرادا، بادیمجان‌لاری ساپین‌دان آشاغییا دوغرو خط‌لی اولا‌راق سویون و کیچیک مربع‌لر حالیندا دوغرایین.
قیزاریرکن یاغ چکممه‌لری اوچون، یاریم ساعات دوزلو سودا گؤزلدین. سودان چیخاردین، یاخشیجا یویوب قورولادیق‌دان سونرا 2/3 ایستکان زیتون یاغیندا قیزاردین. قالان 1/3 زیتون یاغینی بیر قازانا گؤتوروب ایستیلدین. رندلنیلمیش سوغان‌لاری علاوه، سوغان‌لار تندر قدر قووورون.
رندلنیلمیش بامادورلاری سوغان‌لارا علاوه ائدیب قووورماغا داوام ائدین. 2 ایستکان سویو، دوزو، شکری، قارا بیبری، یئنی‌باهار، نعنانی و دارچینی علاوه ائدین. سو قاینادیغی سوزولموش دوگو ده علاوه ائدین. بیر دفعه قاریش‌دیرین.
اوستونه بادلیجان‌لاری یایین. قاپاغینی باغلاییب اوّل یوکسک آتش‌ده، سو قاینادیقدان سونرا ایسه باتیق آتش‌ده، دوگو سویو چکنه قدر بیشیرین. اوجاق‌دان آلدیق‌دان سونرا قاپاغی باغلی اولا‌راق 15-20 دقیقه استراحت ائتدیرین. تاختا قاشیقلا پیلووو هارمانلایین و ایلیق اولا‌راق سرویس ائدین.
نوش اولسون ...
تورک مطبخی پروقرامیندا بو گون سیزلره "بادیمجان‌لی پیلوو" تعریفی وئردیک. بیر باشقا پروقرامدا بیر باشقا تورک لذتیله گؤروشمک اوچون خوشجا قالین.
ایلگیلی‌لی خبرلر
آورآسیا جمهوریتلرینین گۆندمینده‌کی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیه‌یه رسمی سفر گئرچکلشدیردی
