تورکیه، گونئی آوروپانین توریزمده "ان یاخشی گلیشن" اؤلکهسی اولدو
توریزمده رکوردلارا ایمضا آتان تورکیهنین دونیا سیاحت و توریزم حرکتلیلیگیندهکی بؤیومهسی تسجیل ائدیلدی
تورکیه، دونیا اقتصادی فورومونون (WEF) ساری اونیوئرسیتهسی ایله حاضیرلادیغی سیاحت و توریزم اندکسی ۲۰۲۴ راپورونا گؤره، گونئی آوروپانین سیاحت و توریزمده "ان یاخشی گلیشن" اؤلکهسی اولدو.
مدنیت و توریزم باخانلیغیندان وئریلن اچیقلامادا، ایکی ایلده بیر حاضرلانان و ۱۱۹ اؤلکهنین سیاحت و توریزم بؤلوملرینین بیر چوخ فاکتورون دقته آلیناراق آنالیز ائدیلدیگی راپورلا، توریزمده رکوردلارا ایمضا آتان تورکیهنین دونیا سیاحت و توریزم حرکتلیلیگیندهکی بؤیومهسی تسجیل ائدیلدی.
دونیا اقتصادی فورومونون ایکی ایلده بیر یاییملادیغی اندکس نتیجهلرینه گؤره، ۸ پیلله بیردن یوکسهلهن تورکیه، ۱۱۹ اؤلکه آراسیندا ۲۹.جو اولدو.
تورکیهنین ۴،۳۹ اولان اندکس پوئنی دونیا اورتالاماسیندان یوزده ۱۰،۶ داها یوکسک اولارکهن آوروپا اورتالاماسینین ایسه یوزده ۳ اوزرینده یئر آلدی.
بو یوکسلیشله تورکیه، کروواسی، ایتالیا، مالتا و ایسپانیانین دا آرالاریندا اولدوغو گونئی آوروپا کتگوریسینده اؤنه چیخان اؤلکه اولدو.
سیاحت و توریزم گلیشمیشلیک اندکسینه گؤره تورکیه، سیاحت ایله سیاحت و توریزم اؤنجهلیکلندیریلمهسی گؤستریجیسینده یوزده ۱۴ ایرلیلهمه قید ائدرک ۱۸ سیرا بیردن یوکسلدی و دونیانین ۲.جی اؤلکهسی اولدو.
هاوا یولو داشیماچیلیغی آلت یاپیسیندا دا گلیشمه گؤسترهن تورکیه، اندکسین بو گؤستریچیسینده ۱۰ سیرا بیردن یوکسلدی و دونیادا ایلک ۱۰ اؤلکه آراسینا گیرمهیی باجاراراق ۸.جی سیرادا یئر آلدی.
راپورون مدنی وارلیقلار گؤستریچیسینده ۱۳.جو سیراداکی یئرینی قورویان تورکیه، اگلهنجه دیشی ساحهلرده ۷ پیلله یوکسهلهرک ۱۶.جی سیرایا چاتدی.
طبیعی قایناقلار معیاریندا ایسه ۲۴ سیرا بیردن یوکسلیش یاشانارکهن، تورکیه بو کتگوریده ۳۲.جی اولدو.
ایلگیلیلی خبرلر
آماسرایا می آییندا 4 میندن چوخ کروز یولچوسو گلیب
روسیهنین سوچی شهریندن یولا دوشن "آستوریا گرانده" آدلی کروز گمیسی آماسرا لیمانیندا دمیر سالیب