آنکارا-دا "روس موسیقی موزه‌سی" آچیلیب

پایتاخت آنکارادا تورکیه-روسیا دوستلوق ائوینده "روس موسیقی موزه سی" آچیلیب.

موزه کوراتورو آلیونا پالاژچنکونون تشببوسو ایله یارادیلان روسیا موسیقی موزه‌سینین آچیلیشیندا بلاروس-ون آنکارا‌داکی سفیری ویکتور ریباک، روسیانین آنکارا‌داکی سفیرلیگی‌نین مستشاری سرگئی کوریتسکی، روسیا مدنیت و علم مرکزی‌نین (روس ائوی) صدری الکساندر سوتنیچنکو، تورکیه رسمی‌لری و بیر چوخ صنعت‌سئورلر ایشتیراک ائدیب.

موزه نین دیزاینری پالاژچنکو، "من موسیقینی چوخ سئویرم و بیلیرم کی، تورک‌لر ده موسیقینی سئویر. من روس و تورک خالق‌لارینی موسیقی واسیطه‌سیله بیر-بیرینه داها دا یاخین‌لاش‌دیرماق ایستییرم". دئدی.

موزه ده روس موسیقی‌سینه عاید چوخ‌لو اثر و اشیا‌لار صنعت‌سئورلرین دقتینه تقدیم اولونوب.