تۆرک فیلمی ایکی اؤدول بیردن آلدی

یؤروکلرین (کؤچری اوغوز تۆرکلری) یاشمینی آنلادان تۆرک فیلمی "تورنا میثالی/دورنا کیمی"، آمریکا بیرلشمیش دؤولتلرینین نیویورک ایالتینده تشکیل ائدیلن نیویورک اولوسلاراراسی فیلم یاپیمچیلاری فستیوالیندا ایکی اؤدوله لایق گؤرولدو.

یؤنتمنلیگینی عفت ارن دانیشمان بوزون، یاپیمچیلیغینی ایئدب فیلم آدینا ایوب بوزون اۆستلندیگی تورنا میثالی، نیویورکدا، بو ایل ۱۳.جو دفعه تشکیل ائدیله‌ن نیویورک اولوسلاراراسی فیلم یاپیمچیلاری فستیوالیندا، "ان یاخشی اوزون متراژلی فیلم" و "ان یاخشی گؤرونتو یؤنه‌تمنی" بؤلوملرینده ایکی اؤدول بیردن آلدی.

ساری‌گئچیلی یؤروکلریندن آخساق عائله‌سینین کؤچ ائتمکله یئرله‌شیک حیاتا گئچمک آراسینداکی فیکیر آیریلیغی اطرافیندا شکیللنه‌ن حکایه‌سینین مؤوضوع ائدیلدیگی تورنا میثالی، عینی زاماندا، اوچ گون بویو سۆره‌ن فستیوالین آچیلیش فیلمی اولاراق سئچیلدی.

یاپیمینا ۲۰۲۱ده باشلانان تۆرک فیلمی، دونیا ایلک گؤستریمینی ۳۴.جو توکیو فیلم فستیوالیندا گئرچکلشدیریلدیکدن سونرا یئرلی و خاریجی بیر چوخ فستیوالدان اؤدول ایله قاییتمیشدی.

تورنا میثالی داها اؤنجه، نارتوگان فیلم فستیوالیندا "ان یاخشی فیلم" (۲۰۲۳)، اولوسلارآراسی قادین یؤنتمنلر فستیوالی "ژوری اؤزل اؤدولو" (۲۰۲۳) و انکوریج اولوسلارآراسی فیلم فستیوالی "مادیر آف کالچیریل ائکسچینج" (۲۰۲۲) کیمی ۱۰ دولاییندا اؤدول قازانمیشدی.