آیاصوفیا مسجیدینین یئنیدن عبادته آچیلماسیندان اوچ ایل اؤتور
دیانت ایشلری باشقانی علی ارباش عبادته آچیلماسینین ایلدؤنومونده آیاصوفیادا سحر نمازینی قیلدیریب.
عثمانلی امپراطورلوغونون 7-جی سلطانی فاتح سلطان محمتین ایستانبولون فتحیندن سونرا ایلک جمعه نمازینی قیلدیغی "فتحین سمبولو" اولان آیاصوفیا-ی کبیر مسجیدی-ی شریفینین یئنیدن آچیلماسیندان 3 ایل اؤتور.
دیانت ایشلری باشقانی علی ارباش عبادته آچیلماسینین ایلدؤنومونده آیاصوفیادا سحر نمازینی قیلدیریب.
آیاصوفیا مسجیدینین یئنیدن آچیلیشینین ایلدؤنومونده دیانت ایشلری باشقانی علی ارباشین اماملیغی ایله سحر نمازیندا موختلیف میللتلردن اولان مسلمانلار، ائلهجه ده ایستانبول والیسی داوود گول عبادت ائدیب.
نمازدان سونرا ائتدیگی چیخیشدا ان خوشبخت گونلردن بیرینین رئاللاشدیغینی بیلدیرن ارباش "اوچ ایل اول، 24 جولای 2020-جی ایلده 86 ایللیک حسرت سونا چاتدی. آیاصوفیا سایین جمهور باشقانیمیزین قراری ایله یئنیدن عبادت اوچون آچیلدی. بورادا، اوچ ایل عرضینده آپاریلان آراشدیرمالارا گؤره، آیاصوفیانی 3 میلیون اینسان زیارت ائتدی" دئییب.
خاطیرلاداق کی، دیانت ایشلری باشقانلیغینا تحویل وئریلن آیاصوفیا مسجیدی-ی 24 جولای 2020-جی ایلده جمهور باشقانی رجب طیب اردوغانین دا قاتیلدیغی محتشم مراسیمله 86 ایلدن سونرا ایلک جمعه نمازی ایله یئنیدن عبادت اوچون آچیلیب.
ایلگیلیلی خبرلر
ایستانبول موسیقی فستیوالینین باشلادی
فستیوال چرچیوهسینده ۱۲ ژوئنه قدر، ۱۷ فرقلی مکاندا، ۲۵ کونسرت وئریلهجک
نسلی تۆکنمیش قوشون تک تۆکو رکورد قیمته ساتیلدی
هوئیا قوشونون تک تۆکو، آچیق آرتیرمادا تخمیناً ۲۸ مین دلارا ساتیلاراق دونیانین "ان باهالی تۆکو" اولدو