69ونجو کن فیلم فستیوالیندا، کن لوچ، ایکینجی دفعه قیزیل پالما اؤدولونو آلدی

69ونجو کن فیلم فستیوالیندا، اینگیلیس یؤنتمن کن لوچ، اجتماعی سیستم تنقیدی فیلمی "I, Daniel Blake " ایله ایکینجی دفعه قیزیل پالما اؤدولونو آلدی.

بو ایل 80-یاشگونونو قوتلویاجاق اولان لوچ، اوروپادا یوخسول‌لوغو آنلادان فیلمی‌نین اؤدولونو آلارکن، "باشقا بیر دونیا مومکون" مساژی وئردی.

قیزیل پالمی‌نی 2006-جی ایلده دا قازانان لوچ، نئولیبرالیزمین و کمر سیخما سیاستی‌نین، اینسان‌لاری فلاکتین ائشیگینه سورودوگونو ساووندو.

کن فیلم فستیوالیندا ایکینجی‌لیک اؤدولو ایسه 27 یاشین‌داکی کانادا‌لی یؤنتمن زاویه دولان'ین " It ıs only end of the world ، (یالنیز دونیانین سونو) فیلمینه گئتدی.

مونصیف اؤدولونه یئنه بیر اینگیلیس یؤنتمن آندره آرنولدون فیلمی، " American Honey " (آمریکا بالی) لاییق گؤرولدو.

ان یاخشی یؤنتمن، رومانی‌دن کریستیان مونگیو ایله فرانسا‌دان آولیویه آسایاس، ان یاخشی کیشی اویونچو ایران‌دان شهاب حسینی، ان یاخشی قادین اویونچو دا فیلیپین‌ده ژاکلین خوزه سئچیلدی.

ان یاخشی سناریو اؤدولو ده ایران فیلمی اولان "فوروشنده"یه گئتدی.