کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
فرانسانین روآن شهرینده پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو.
یئرلی مئدیاداکی خبرلره گؤره، یئرلی ساعاتلا ۰۶.۴۵ده، روآندا بیر کنیسهدن توستو چیخدیغی پلیسه خبر وئریلدی.
حادثه یئرینه گئدن پلیسه بیچاقلی بیر شخص سالدیردی. بونون اوزرینه پلیسلرین آتیش ائتدیگی شخص حیاتینی ایتیردی.
ایچ ایشلری باخانی گرالد دارمانین، ایکس حسابیندان وئردیگی آچیقلامادا، روآندا ائرکهن ساعاتلاردا پلیسلرین کنیسهنی یاندیرماق ایستهیهن شخصی ضررسیز حالا گتیردیگینی ایفاده ائدرک، جسارتلریندن اؤترو گوونلیک پرسونلینی تبریک ائتدی.
روآن بلدیه باشقانی نیکولاس مایر-روسینول دا پلیسلره و یانغینی بؤیومهدن کنترل آلتینا آلان اطفاعیهچیلره تشکر ائتدی.
مایر-روسینول، حادثهده شبههلیدن باشقا حیاتینی ایتیرهن کیمه اولمادیغینی، روآنداکی یهودی جماعتینی دستکلهدیگینی ایفاده ائتدی.