اندونزیده سئل و تورپاق سوروشمهلری نتیجهسینده 50 نفر اؤلوب
میللی فلاکت یؤنتیم آژانسیندان وئریلن آچیقلامایا گؤره داشقین و سوروشمه نتیجهسینده 50 نفر اؤلوب 27 نفر هلهده ایتکین دوشموش
اندونزینین باتی سوماترا ایالتینده موسون یاغیشلاری و داشقینلار سببییله مراپی وولکانینین پوسکورمهسی نتیجهسینده ییغیلان قایا، کول و تورپاق ییغینینین سوروشمهسی نتیجهسینده حیاتینی ایتیرنلرین سایی 50-یه یوکسلیب.
میللی فلاکت یؤنتیم آژانسیندان وئریلن آچیقلامایا گؤره، باتی سوماترادا باش وئرن داشقین و تورپاق سوروشمهلری نتیجهسینده داها 7 نفرین جسدی تاپیلیب.
ایندییهدک داشقین و سوروشمه نتیجهسینده 50 نفر اؤلوب، 37 نفر یارالانیب.
ایالت اوزره 3 مین 396 نفر قاچقین دوشرکن، 27 نفر هلهده ایتکین دوشموش حساب اولونور.
الوئریشسیز هاوا شرایطی ایله علاقهدار آختاریش-خیلاص ائتمه ایشلری دایاندیریلیب.
تأثیره معروض قالان اراضیلرده سیار مطبخلر و سیار سو تمیزلَییجی قورغولار یارادیلمیشدیر.
اندونزینین سوماترا آداسینین باتیسیندا یئرلشن مراپی وولکانی ایلک دفعه دسامبرین 3-ده پوسکوروب. وولکانین بیرینجی پوسکورمهدن بری یوزلرله دفعه پوسکورمهسی نتیجهسینده بؤلگه ساکینلرینین پوسکورمه مرکزیندن 4.5 کیلومتر شعاعسیندا اولان اراضییه گیریشی و فعالیت گؤسترمهسی قاداغان ائدیلیب.
ایلگیلیلی خبرلر
فرانسهده مسجیده عرقچی هوجوم
لیونون ان قدیم مسجیدی اولان کروا-رُز سمتیندهکی قبا مسجیدینه عرقچی هوجوم ائدیلیب