موزامبیکده‌ اوروپا بیرلیگینین میسیون مدتی اوزادیلیب

اوروپا بیرلیگینین موزامبیکده‌کی تعلیم میسیونونون مدتی 30 جون 2026-جی ایل تاریخینه‌دک اوزادیلیب.

اوروپا بیرلیگی شوراسیندان وئریلن یازیلی آچیقلامادا صلاحیت مدتی 30 جون 2026-جی ایله قدر اوزادیلان موزامبیکده‌کی میسیونون فعالیتلری اوچون 14 میلیون یورو بودجه آیریلدیغی بیلدیریلیب.

آچیقلامادا، میسیونون خوصوصیله موزامبیک سیلاحلی قووه‌لری اوچون تعلیم وئرمه‌سینین پلانلاشدیریلدیغی و قرار چرچیوه‌سینده 1 سپتامبر 2024-جو ایل اعتباری ایله میسیونون آدینین اوروپا بیرلیگی حربی یاردیم میسیونو موزامبیک اولاراق دَییشدیریله‌جیی ایفاده ائدیلدی.

اوروپا بیرلیگینین موزامبیکده‌کی تعلیم میسیونو 2021-جی ایلده اینسانی یاردیم، صلح قوروجولوغو، تهلوکه‌سیزلیک و اینکیشاف ایشلری و اؤلکه‌نین قوزئیینده انصارالسنه تشکیلاتی ایله موباریزده سیلاحلی قووه‌لره تعلیم وئرمک اوچون یارادیلیب.