زلنسکی دؤولت محافیظه‌سینین رئیسینی وظیفه‌سیندن عزل ائدیب
حبس اولونان آلبایلار زلنسکی‌یه، تهلوکه‌سیزلیک آژانسینین رئیسی واسیلی مالیوک و باش کشفییات اداره‌سینین دیرئکتورو کیریل بودانووا سوءقصد حاضیرلاماقدا ایتهام اولونورلار
اوکراین پرزیدنتی ولادیمیر زلنسکی دؤولت محافیظه‌سینین رئیسی سرگئی رودو وظیفه‌سیندن عزل ائدیب. رود بو ایداره‌نی 2019-جو ایلدن ایداره ائدیردی.
مسئله ایله باغلی رسمی آچیقلاما وئریلمه‌سه ده، می آیینین 7-ده دؤولت موحافیظه ایداره‌سینین ایکی آلبایی حبس اولوندوقدان سونرا قرار قبول ائدیلیب.
حبس اولونان آلبایلار زلنسکی‌یه، تهلوکه‌سیزلیک آژانسینین رئیسی واسیلی مالیوک و باش کشفییات اداره‌سینین دیرئکتورو کیریل بودانووا سوءقصد حاضیرلاماقدا ایتهام اولونورلار.
اوکراین تهلوکه‌سیزلیک آژانسینین معلوماتینا گؤره، حبس ائدیلن آلبایلار روسیه فدرال تهلوکه‌سیزلیک آژانسینین جاسوسلوق شبکه‌سینه خیدمت ائدیرمیش.
ایتهاما گؤره، حبس ائدیلن عسگرلر پول مقابیلینده اوکراینا قارشی فعالیتینده روسیه فدرال تهلوکه‌سیزلیک آژانسینا یاردیم ائدیردیلر. ایتهاما گؤره، بو شخصلر روسیه ایستیخباراتینا مخفی معلوماتلاری سیزدیریب و «ترور عملیاتی اوچون پول حاضیرلاییب گیزلتمیشلر».
