"ایسرائیل آنجاق الینده بومبا اولمایاندا دوراجاق"
جورپ بورل، ایسپانیا خاریجی ایشلر باخانی خوزه مانوئل آلبارس ایله بو اؤلکه‌نین باشکندی مادریدده ائتدیگی گؤروشمه اؤنجه‌سی، مطبوعات منسوبلارینا آچیقلامالار وئردی
آوروپا بیرلیگی خاریجی ایلیشکیلر و گوونلیک سیاستلری یوکسک نماینده‌سی جورپ بورل، "ایسرائیلین آتدیغی بومبالایارین آنجاق الینده بومبا اولمادیغیندا" دوراجاغینی سؤیله‌دی.
جورپ بورل، ایسپانیا خاریجی ایشلر باخانی خوزه مانوئل آلبارس ایله بو اؤلکه‌نین باشکندی مادریدده ائتدیگی گؤروشمه اؤنجه‌سی، مطبوعات منسوبلارینا آچیقلامالار وئردی.
بورل، آمریکا بیرلشمیش دؤولتلرینین ایسرائیله سلاح گؤندریمینی دوردورما قرارییلا باغلی بیر سوالا، "بومبالارین آتیلماسینی اؤنله‌مه‌نین تک یولو، بومبالایارا صاحب اولدورماماقدیر" جاوابینی وئردی.
بورل، غزه اوچون حرکته گئچمه‌یه‌ن آوروپا بیرلیگی لیدئرلینه، "بعضی آوروپالی قونومداشلاریمیز 'غزه‌ده چوخ چوخ اؤلوم وار، چوخ تأسف!' دئدیگینده سوروشولماسی لازیم اولان سوال بودور: نئچه نفردیر چوخ چوخ؟ داها چوخ اولماماسی اوچون حرکته گئچمک اوزره ۵۰ مین نفرین اؤلمه‌سینی می گؤزله‌مه‌میز لازیمدیر؟" سؤزلری ایله تپکی وئردی.
بعضی آوروپا بیرلیگی اؤلکه‌لرینین فیلیسطین دؤولتینی تانیما احتیمالینا باغلی بورل، "اگر بیر نئچه اؤلکه بو آددیمی آتسا، آرخایینام داها چوخو دا بونو ایزله‌یه‌جک. (اورتا دوغودا) ایکی دؤولتلی حله حقیقتاً اینانانلارین بو مؤوضوعدا دانیشمانین اؤته‌سینه گئچمه‌سی چوخ گؤزل بیر شئی" دگرله‌ندیرمه‌سی ائتدی.
ایسپانیانین لیدئرلیک ائتدیگی و لابی ایشلری ایجرا ائتدیگی فیلیسطین دؤولتینین تانینماسی گیریشیمینه ایرلند، اسلوونی، مالتا و نروژین دستک وئردیگی بیلینیر.
ایرلند مطبوعاتیندا چیخان خبرلرده ایسپانیا و ایرلندین ۲۱ می‌ده فیلیسطین دؤولتینی تانییاجاغی ادعا ائدیلمیش، اسلوونی ایسه فیلیسطین دؤولتینی ۱۳ ژوئنه قدر تانیمانی پلانلادیغینی بیلدیرمیشدی.
ایسرائیلین غزه یولاغینا ۷ اکتبردان بو یانا سۆره‌ن سالدیریلاریندا چوخو اوشاق و قادین ۳۵ وطنداش جان وئردی.
