نیجریه‌ده نارکوتیک آل‌وئرچیلرینه اؤلوم جزاسی

نیجریه سناسی نارکوتیک آل‌وئرچیلرینه اؤلوم جزاسی تطبیق ائدن قانون لایحه‌سینی قبول ائدیب.

بورنو ایالتیندن اولان سناتور طاهر مونقونو، نیجریه نارکوتیکلرله موباریزه ایداره‌سینین نارکوتیکلرله موباریزه سَعی‌لرینی دستکلمک اوچون کوکائین، هروئین و دیگر نارکوتیک واسیطه‌لرین اؤلکه‌یه قاچاقچیلیغی و ساتیشی ایله مشغول اولانلارا اؤلوم جزاسی تطبیق ائدن قانون لایحه‌سینی سنا مجلیسینه تقدیم ائدیب.

سناتورلارین اکثریتی نیجریه نارکوتیکلرله موباریزه ایداره‌سینین فعالیتینی دستکلمک اوچون قانون لایحه‌سینی اوچونجو اوخونوشدا تصدیقلَییب.

قانون لایحه‌سینی دستکلَین سناتورلار اعدام تهلوکه‌سینین نارکوتیک آل‌وئرچیلری اوچون عؤمورلوک حبسدن داها چوخ چکیندیریجی اولاجاغینی مودافیعه ائدیبلر.

دیگر طرفدن، قانون لایحه‌سینه قارشی چیخان سناتورلار حاقسیز یئره محکوملوق حالیندا اؤلوم جزاسینین «دؤنمز کاراکتریندن» ناراحاتلیقلارینی ایفاده ائدیبلر.

پرزیدنت بولا احمد تینوبو تصدیق ائدرسه‌، قانون لایحه‌سی قانونا چئوریله‌جک.