غزه‌یه هئچ بیر شئی و هئچ کیمین گیریش چیخیشینا ایجازه وئریلمیر
"وطنداشلار، غزه‌ده اؤلدورولور، آجلیغا معروض بوراخیلیر و بیزیم اونلارا کؤمک ائتمه‌میزه مانع تؤردیلیر"
بیرلشمیش میللتلر اینسانی ایشلردن مسئول باش کاتیب کؤمکچیسی و عاجیل کؤمک سوروملوسو مارتین گریفیتس، غزه‌یه ۳ گوندور "هئچ بیر شئی و هئچ کیمین" گیریش چیخیشینا ایجازه وئریلمه‌دیگینی ایفاده ائد‌رک،
"وطنداشلار، غزه‌ده اؤلدورولور، آجلیغا معروض بوراخیلیر و بیزیم اونلارا کؤمک ائتمه‌میزه مانع تؤردیلیر" ایفاده‌سینی ایشلتدی.
مارتین گریفیتس، ایکس سوسیال مئدیا حسابیندان مئساژ پایلاشدی.
بؤلگه‌ده سرحد قاپیلارینین باغلانماسینین یاناجاق تداروکونه مانع تؤرتدیگینه ایشاره ائد‌ن گریفیتس، بونون دا کؤمک کامیونلاری، ژنراتورلار، سو، ائلکتریک، اینسان و محصول حرکتینی ایمکانسیز قیلدیغینی ایفاده ائتدی.
گریفیتس، "بو دا کؤمک تامین ائدیله‌بیلمیر معناسینی وئریر" دگرله‌ندیرمه‌سینی وئررک، غزه‌دن ۳ گوندور اینسان و محصول گیریش چیخیشینا ایجازه وئریلمه‌دیگینی، لوازیم و پرسنلین اوردا قالدیغینی قید ائتدی.
"وطنداشلار غزه‌ده اؤلدورولور، آجلیغا معروض بوراخیلیر و بیزیم اونلارا کؤمک ائتمه‌میزه مانع تؤردیلیر" ایفاده‌سینی ایشله‌د‌ن باش کاتیب کؤمکچیسی، غزه‌ده ۷ آیلیق کابوسون گلدیگی سون وضعیتین بو اولدوغونو وورغولادی.
ایسرایلین بؤلگه‌یه ۷ اکتبردان بو یانا سۆره‌ن سالدیریلاریندا چوخو اوشاق و قادین ۳۵ مین وطنداش جان وئردی.
