جو بایدن ایسرائیله سیلاح گؤندرمه‌سینی دایاندیراجاغینی بیلدیریب
بایدن ایسرائیلین مولکی یاشاییش منطقه‌لرینده ایستیفاده ائتدیگی بعضی سیلاح، بومب و توپ گوله‌لرینی گؤندریلمه‌سینی دایاندیراجاقلارینی وورغولاییب
آمریکا پرزیدنتی جو بایدن، ایسرائیلین رفحه گئنیش مقیاسلی هوجوملا گیرجه‌یی تقدیرده بو اؤلکه‌یه سیلاح گؤندرمه‌سینی دایاندیراجاغینی بیلدیریب.
جو بایدن سی‌ان‌ان-ه وئردیگی موصاحیبه‌ده هم غزه‌ده‌کی وضعیتی، هم ده ایسرائیلین رفحه هرطرفلی قورو هوجومو تشکیل ائده‌جیی تقدیرده اؤلکه‌سینین موناسیبتینی قیمتلندیریب.
رهبرلیگینین کئچن هفته ایسرائیله تخمینا 900 کیلولوق بومبلارین گؤندریلمه‌سینی دایاندیرماسی ایله باغلی بایدن، "بو بومبلار و (ایسرائیلین) مولکی اهالی مرکزلرینه گیرمه‌سینین دیگر یوللاری نتیجه‌سینده غزه‌ده دینج ساکینلر اؤلدورولدو" شرحی وئره‌رک، غزه‌ده دینج فیلیسطین‌لیلری اؤلدورمک اوچون آمریکا ایستحصالی بومبلاردان ایستیفاده ائدیلدیگینی قبول ائتمیش اولوب.
داها اول ده دفعه‌لرله ایسرائیلی رفحه قارشی هرطرفلی قورو هوجومونا قارشی خبردار ائتدیکلرینی خاطیرلادان بایدن، ایسرائیلین باش ناظیری بنیامین نتانیاهو ایله سون گؤروشونده بو مسئله‌یی آچیق شکیلده دیله گتیردیگینی قید ائدیب.
آمریکا پرزیدنتی بایدن، "اونلار هله (هرطرفلی هوجوملا) داخیل اولماییبلار، اگر گیرسه‌لر، او زامان رفح و دیگر شهرلرده ایستیفاده ائدیلن سیلاحلاری گؤندرمَیه‌جییمی آچیقلادیم" دئدی.
ایسرائیلین تهلوکه‌سیزلیگینی تامین ائتمکده هله ده قرارلی اولدوقلارینی وورغولایان بایدن، ایسرائیلین مولکی یاشاییش منطقه‌لرینده ایستیفاده ائتدیگی بعضی سیلاح، بومب و توپ گوله‌لرینی گؤندریلمه‌سینی دایاندیراجاقلارینی وورغولاییب.
اکتبرین 7-دن ایسرائیلین غزه زولاغینا تشکیل ائتدیگی هوجوملاردا اکثریتی اوشاق و قادین اولان 35 مینه یاخین فیلیسطین‌لی حیاتینی ایتیریب.
ایلگیلی‌لی خبرلر
روسیه خارکوف ویلایتینده راکت هوجومو حیاتا کئچیریب
روسیه‌نین اوکراینین خارکوف ویلایتینده حیاتا کئچیردیگی راکت هوجوموندا 10 نفر اؤلوب
