آمریکادان ایسرائیله رقح خبردارلیغی
جان کیربی: بئله سیخ اهالیه ائو صاحیبلیگی ائدن رفح بؤلگهسینه قارشی هرطرفلی قورو عملیاتینی دستکلمدیگیمیزی سؤیلهدیک
آمریکادا آغ ائوین میللی تهلوکهسیزلیک علاقهلری اوزره موشاویری جان کیربی ایسرائیلین رفح بؤلگهسینه هرطرفلی قورودان هوجومونو دستکلمدیکلرینی آچیقلاییب.
جان کیربی تلکنفرانس واسیطهسی ایله کئچیردیگی مطبوعات بریفینگینده ایسرائیلین رفح بؤلگهسینه هوجومونو و آمریکانین مؤقعینی دَیرلندیریب.
کیربی، ایسرائیل اوردوسونون، اونلارا، دونن رفح بؤلگهسینه هوجومون "محدود عملیات" اولدوغونو بیلدیردیگینی و تلآویو رهبرلیگینین "هماسین غزهیه سیلاح گؤتورمهسینین قارشیسینی آلماق اوچون" بو آددیمی آتدیغینی مودافیعه ائتدیگینی بیلدیریب.
کیربی بئله بیر قورو هوجومونون بؤلگهده ساکین 1.5 میلیون دینج اینسانین حیاتینی جیدّی شکیلده ریسکه آتاجاغینی وورغولایاراق، "رفح ایله باغلی فیکیرلریمیز عینیدیر، بیز دفعهلرله و آردیجیل اولاراق بئله سیخ اهالیه ائو صاحیبلیگی ائدن رفح بؤلگهسینه قارشی هرطرفلی قورو عملیاتینی دستکلمدیگیمیزی سؤیلهدیک" دئدی.
آمریکا پرزیدنتی جو بایدنین دونن ایسرائیل باش ناظیری نتانیاهو ایله کئچیردیگی گؤروشده رفح بؤلگهسینه هوجومون یاراداجاغی اینسانی بحرانلا باغلی ناراحاتلیقلارینی "آیدین شکیلده" ایفاده ائتدیگینی قید ائدن کیربی، ایسرائیلین رفح بؤلگهسینه قورودان هوجوما حاضیرلاشماغا داوام ائتمهسی ایله باغلی سواللاری جاوابلاندیرماییب.
کیربی اینسانی یاردیملارین غزه زولاغینا داخیل اولا بیلمهسی اوچون رفح و کرم شالوم سرحد قاپیلارینین آچیق قالماسی لازیم اولدوغونو و بو مسئلهلری دایم ایسرائیللی همکارلارینا چاتدیردیقلارینی بیلدیریب.
ایلگیلیلی خبرلر
روسیه خارکوف ویلایتینده راکت هوجومو حیاتا کئچیریب
روسیهنین اوکراینین خارکوف ویلایتینده حیاتا کئچیردیگی راکت هوجوموندا 10 نفر اؤلوب