بوکوحرامین یولا دؤشدیگی مین 7 نفری اؤلدوردو

نیجریه‌نین بورنو ایالتینده ترور تشکیلاتی بوکوحرام طرفیندن یولا دؤشنمیش مین پارتلاماسی نتیجه‌سینده 7 مولکی وطنداش حیاتینی ایتیریب.

اؤلکه مطبوعاتیندا یئر آلان خبرلره گؤره، بورنو ایالتینده مایدوقوری-دیکوا-قامبورو نقالا یولونا ترورچولار طرفیندن قویولان مین سرنیشنلری داشییان اوتوبوس کئچرکن پارتلاییب.

پارتلاییش نتیجه‌سینده 7 مولکی وطنداش حیاتینی ایتیریب، چوخلو سایدا اینسان یارالانیب.

2000-جی ایللرین اوللریندن نیجریه‌ده مؤوجود اولان بوکو حرامین 2009-جو ایلدن بری تشکیل ائتدیگی کوتلوی زوراکیلیقلاردا اون مینلرله اینسان حیاتینی ایتیریب.

تشکیلات 2015-جی ایلدن اؤلکه‌نین سرحد قونشولاری کامرون، چاد و نیجرده ​​ده هوجوملار حیاتا کئچیریر.