اوکراین اوردوسونون بلقورود بؤلگه‌سینه هوجوموندا 7 نفر حیاتینی ایتیریب

روسیه‌نین بلقورود ویلایتینده اوکراین اوردوسونون پیلوتسوز اوچوش آپاراتلاری ایله حیاتا کئچیردیگی هوجومدا 7 نفر حیاتینی ایتیریب.

بلقورود ویلایتینین والیسی ویاچسلاو گلادکوو تلگرام کانالیندا وئردیگی آچیقلامادا اوکراین اوردوسونون بریوزووکا کندی یاخینلیغیندا پیلوتسوز اوچوش آپاراتلاری ایله هوجوم تشکیل ائتدیگینی بیلدیریب.

گلادکوو پیلوتسوز اوچوش آپاراتلاریلارین حرکتده اولان مینی‌بوسا و اتوموبیله دَیدیگینی و ماشینلاردا اولانلارین چوخونون "آقرو بلوقوریه" شیرکتینین ایشچیلری اولدوغونو بیلدیریب.

شیرکتین مطبوعات خیدمتیندن وئریلن آچیقلامادا هوجومدا 7 نفرین حیاتینی ایتیردیگی پایلاشیلیب.

روسیه‌ ساغلیق ناظیرینین معاوینی آلکسی کوزنتسوو دا ژورنالیستلره هوجومدا 3-او اوشاق اولماقلا 40 نفرین یارالاندیغینی بیلدیریب.

روسیه‌ ایستینطاق کمیته‌سی حادیثه ایله باغلی آراشدیرمالارا باشلاندیغینی قید ائدیب.