آمریکادان ایسرائیله گؤندریله‌جک مهمات دایانیب

آمریکا پرزیدنتی جو بایدن رهبرلیگی اؤتن هفته ایسرائیله گؤندریله‌جک آمریکا ایستحصالی اولان مهماتین گؤندریلمه‌سینی دایاندیریدیغی بیلگیسی پایلاشیلیب.

آمریکادا نشر اولونان "اکسیوس" خبر سایتینین آدی آچیقلانمایان ایکی ایسرائیل مسئولونا اساسلاناراق وئردیگی خبره گؤره، آمریکا ایسرائیله گؤندریله‌جک مهماتین داشینماسینی کئچن هفته دایاندیریب.

خبرده داشیمانین دایاندیریلماسینین غزه‌یه هوجوملارین باشلادیغی ۷ اکتبردان بری بیر ایلک اولدوغو و بو وضعیتین تل‌آویو رهبرلیگینده جیدی ناراحاتلیغا سبب اولدوغو بیلدیریلیب.

خبرده کئچن هفته ایسرائیله سفر ائدن آبش خاریجی ایشلر ناظیری آنتونی بلینکن ایله ایسرائیلین باش ناظیری بنیامین نتانیاهو آراسیندا رفح  مومکون قورو هوجومو ایله باغلی «سرت صحبت» اولدوغو دا خاطیرلادیلیب.

آمریکا کنگره‌سینده‌کی دموکرات پارتیسینین 88 عضوو ایسرائیلین فیلیسطینلی مولکی وطنداشلارا اینسانی یاردیما قصداً انگل اولدوغونا دایر اعتیبارلی ایدعالارین اولدوغونو بیلدیریب و ایسرائیله ائدیلن یاردیما یئنیدن باخیلماسینی ایسته‌ییب.