پسکوو ماکرونون سؤزلرینی «چوخ تهلوکهلی» آدلاندیریب
کرملین سؤزچوسو: نظرده قویدوغوموز بوتون مقصدلره چاتانا قدر «خوصوصی حربی عملیاتیمیزی» داوام ائتدیرهجَییک
کرملین، فرانسه پرزیدنتی امانوئل ماکرونون باتی اوردولارینین اوکراینا گؤندریلمهسی ایله باغلی بَیاناتینی سرت شکیلده تنقید ائدیب.
روسیه پرزیدنتینین سؤزچوسو، دمیتری پسکوو ماکرونون سؤزلرینی «چوخ تهلوکهلی» آدلاندیریب.
پسکوو "چوخ اؤنملی و چوخ تهلوکهلی بَیاناتدیر. فرانسه دؤولت باشقانی دایم اوکراینداکی موناقیشهیه قورودان قاریشماق ایمکانیندان دانیشیر. بو، چوخ تهلوکهلی یؤنلمهدیر، بیز اونو دقتله ایزلَییریک و نظرده قویدوغوموز بوتون مقصدلره چاتانا قدر «خوصوصی حربی عملیاتیمیزی» داوام ائتدیرهجَییک"، شکلینده بیلدیریب.
پسکوو همچینین بؤیوک بریتانیانین خاریجی ایشلر ناظیرینین اوکراینین روسیهیه هوجوم حوقوقو ایله باغلی دئدیکلرینی تنقید ائدیب و بونو اوروپا تهلوکهسیزلیگی اوچون پوتانسیل تهلوکهلی اولان گرگینلیگی آرتیرماق جهدی کیمی قیمتلندیریب.
ماکرون «اکونومیست» قزئتینه موصاحیبهسینده بیلدیریب کی، روسیه قوشونلاری جبههیه نفوذ ائدرسه و کییف طلب ائدرسه، باتی اوکراینا قوشون یئریده بیلر. "بو احتیمالی اولدن رد ائتمک (درحال/دوشونمهدن/موذاکیره ائتمهدن) سون ایکی ایلده هئچ بیر درس آلماماق دئمک اولاردی"، شکلینده دانیشمیشدی.
ایلگیلیلی خبرلر
کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقینلاردا 290-دان چوخ اینسان اؤلوب
کنیا-دا داشقینلاردا اؤلنلرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.