پاکیستاندا دهشتلی قضادا 20 نفر حیاتینی ایتیردی

پاکیستاندا بیر یولچو اوتوبوسونون دره‌یه دوشمه‌سی نتیجه‌سینده 20 نفر اؤلوب.

گلگت بلتستان بؤلگه‌سیندکی قره‌قروم یولوندا اوتوبوس سوروجوسو سکان کنترلونو ایتیریب دره‌یه دوشرک یولدان چیخیب.

خبر وئریلدیکدن سونرا حادیثه یئرینه پولیس، ساغلیق و خیلاص ائتمه گروپلاری گؤندریلیب.

دهشتلی قضادا 20 نفر حیاتینی ایتیررکن، یارالیلار خسته‌خانالارا چاتدیریلیب.

پولیس بیلدیریب کی، پنجاب ایالتینین راولپیندی شهریندن گلگت شهرینه گئتمک اوچون یولا دوشن اوتوبوسدا اولان سرنشینلرین عومومی سایی هله‌لیک معلوم دئییل.

پاکیستانین باش ناظیری شهباز شریف حیاتینی ایتیرنلر اوچون باش‌ساغلیغی وئریب و یارالانانلارین تئزلیکله ساغالماسینی آرزولاییب.

شریف مسئوللارا یارالیلارا هر جور طبی یاردیم گؤسترمه‌یی تاپشیریب.