فیلیپپینده 5.7 ریشتر گوجونده زلزله

فیلیپپینین لیته بؤلگه‌سینده 5.7 ریشتر گوجونده زلزله باش وئریب.

آمریکا ژئولوژی خیدمتی "یواس‌جی‌اس" زلزله‌نین مرکزینین بالانگیگا شهریندن 28 کیلومتر گونئی باتی اولدوغونو آچیقلاییب.

آمریکا ژئولوژی خیدمتینین معلوماتینا گؤره، 5.7 ریشتر گوجونده زلزله 7.9 کیلومتر درینلیکده قیده آلینیب.

فیلیپپین وولکانولوژی و سیسمولوژی انستیتوسونون فیسبوک صفحه‌سینده ائدیلن معلوماتدا یئرلی واختلا ساعات 18:16-دا 5.8 ریشتر گوجونده زلزله‌نین باش وئردیگی بیلدیریلیب.

آچیقلامادا، 10 کیلومتر درینلیکده باش وئرن زلزله‌دن سونرا آرتچی زلزله‌لرین یاشاندیغی بیلدیریلیب.