ایسرائیله رفح اویاریسی
"رفحه ائدیله‌جک بیر عسگری سالدیری، مینلرجه وطنداشین داها اؤلمه‌سینه و یوز مینلرجه‌سینین قاچماق مجبوریتینده قالماسینا سبب اولاجاق دایانیلماز بیر گرگینلیک اولاجاق"
بیرلشمیش میللتلر، آوروپا بیرلیگی و دونیا ساغلیق هؤرگوتو، ایسرائیلی، رفحه گیرمه‌مه‌سی قونوسوندا اویاردی.
بیرلشمیش میللتلر باش کاتیبی آنتونیو گوترش، دونیا ساغلیق هؤرگوتو تدروس قبریسوس و آوروپا کمیسیونو باشقان کؤمکچیسی و آوروپا بیرلیگی خاریجی ایشلر و گوونلیک سیاستلری یوکسک نماینده‌سی جوزپ بورل، ایسرائیل باشباخانی بنیامین نتانیاهونون "آنلاشما اولسا دا اولماسا دا رفحه گیره‌جییک" آچیقلاماسینین آردیندان اویاردی.
بو مقاملار، رفحه اولاسی بیر عملیاتین 'فاجعه' ایله نتیجه‌له‌نه‌جگینی تکرارلادی.
آنتونیو گوترش،
"رفحه ائدیله‌جک بیر عسگری سالدیری، مینلرجه وطنداشین داها اؤلمه‌سینه و یوز مینلرجه‌سینین قاچماق مجبوریتینده قالماسینا سبب اولاجاق دایانیلماز بیر گرگینلیک اولاجاق. غزه‌ده‌کی فیلیسطینلیلر اوزرینده ییخیجی بیر تأثیری اولاجاق، ایشغال آلتینداکی اردن چایینین باتی ساحیلی و داها گئنیش بؤلگه‌ده جدی تاثیرلری اولاجاق" دئیه دانیشدی.
قبریسوس ایسه ایسرائیله 'ایر‌لیله‌مه‌مه‌سی' چاغریسی ائدرک،
"رفحه قارشی گئنیش بیر سالدیری اینسانی بیر فلاکت اولاجاق" ایفاده‌لرینی ایشلتدی.
جوزپ بورل ایسه،
"حماسین اورتادان قالدیریلماسی مینلرجه وطنداشین اؤلومو باهاسینا گئرچکلشه‌بیلمز. بیر میلیوندان چوخ ساوونماسیز اینسانین داها چوخ یئریندن ائدیلمه‌سی ییخیجی اولاجاق. ایسرائیل حکومتینی اولوسلارآراسی توپلومون چاغریلارینا قولاق آسماغا و مثبت بیر شکیلده سیاسی بیر باریش سۆره‌جینه داخیل اولماغا چاغیریریق" دئدی.
ایسرائیل باشباخانی نتانیاهو، فیلیسطین دیرنیش حرکتی حماس ایله آنلاشما اولسا دا اولماسا دا رفحه عسگری عملیات تشکیل ائد‌جکلرینی ایفاده ائتمیشدی.
ایسرائیل اوردوسونون ۷ اکتبردان بو یانا سالدیریلارینی داوام ائتدیردیگی غزه یولاغیندا جان ایتکیسی ۳۴ مین ۵۹۶یا یوکسلدی.
