قوزئی کره بالیستیک موشک سینادی
باشکند پیونگیانگ یاخینلاریندان آتیلان موشکلرین تخمیناً ۳۰۰ کیلومتر مسافه قطع ائدرک ژاپن دنیزینه دوشدوگو بیلدیریلدی
قوزئی کرهنین ژاپن دنیزی (دوغو دنیزی) ایستیقامتینه اوچ بالیستیک موشک آتدیغی بیلدیریلدی.
گونئی کره باش قرارگاه باشقانلیغیندان وئریلهن آچیقلامادا، قوزئی کرهنین یئرلی ساعاتلا ۰۷.۴۴-۰۸.۲۲ آراسیندا، ژاپن دنیزی ایستیقامتینه اوچ بالیستیک موشک آتدیغی ایفاده ائدیلدی.
آچیقلامادا، باشکند پیونگیانگ یاخینلاریندان آتیلان موشکلرین تخمیناً ۳۰۰ کیلومتر مسافه قطع ائدرک ژاپن دنیزینه دوشدوگو بیلدیریلدی.
سیناقلارین شدتله قیناندیغی آچیقلامادا، "آچیق بیر تخریبات" اولاراق تانیملانان موشکلرین "کره یاریم آداسیندا باریشی و ثابتلیگی جدی شکیلده تهدید ائتدیگی" قید ائدیلدی.
ژاپن ساوونما باخانلیغی دا قوزئی کرهنین موشکلرینین ماکسیموم ۵۰ کیلومتر ارتفاعا چاتابیلدیگی و ژاپن میللی منحصر بؤلگهسی دیشینا دۆشدوگونو آچیقلادی.
ژاپن باشباخانی کیشیدا فومیو، مجلیس اوتورومونداکی دانیشماسیندا سرت تپکی وئردیگی موشک سیناقلارینین بیرلشمیش میللتلر گۆونلیک شوراسی قرارلارینی پوزدوغونو سؤیلهدی.
سیناقلاری "قبول ائدیلمز" شکلینده تانیملایان باشباخان کیشیدا،
"شدتله قیناییریق. قوزئی کرهنین بیر سیرا ائیلمی اؤلکهمیزین، بؤلگهمیزین و اولوسلارآراسی توپلومون باریش و گۆونلیگینی تهدید ائدیر" دئدی.
موشکلرین دۆشدوگو بؤلگهده حرکت ائدن دنیز و هاوا عنصورلاریندا زیان تثبیت ائدیلمهدیگی بیلدیریلدی.
سیناقلارین، ۱۸-۲۰ مارسدا گونئی کرهنین باشکندی سئولدا تشکیل ائدیلهجک و آمریکا بیرلشمیش دؤولتلری خاریجی ایشلر باخانی آنتونی بلینکنین ده قاتیلاجاغی "گلهجک نسیللر اوچون دموکراسی" ذیروهسی اؤنجهسی گئرچکلشمهسی دقت چکدی.
قوزئی کره، ان سون ۱۴ فوریهده، اؤلکهنین دوغو ساحلیندن یئنی تیپ "پاداسوری-۶" قورودان دنیزه کروز موشکینی آتمیشدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.