گونئی آفریقا جومهورییتینده سو بؤحرانی یاشانیر
ژوهانسبورگدا الکتریک انرژیسینین کسیلمهسی، ایلدیریم چاخماسی و سو بورولارینین پارتلاماسی نتیجهسینده یارانان سو کسینتیلری سببیندن سو بؤحرانی یاشانیر
گونئی آفریقا جومهورییتینین ان بؤیوک شهری اولان ژوهانسبورگدا الکتریک انرژیسینین کسیلمهسی، ایلدیریم چاخماسی و سو بورولارینین پارتلاماسی نتیجهسینده یارانان سو کسینتیلری سببیندن سو بؤحرانی یاشانیر.
سون 10 گونده سوسوزلوغون گوندهلیک حیاتین بیر پارچاسینا چئوریلدیگی 6 میلیون اهالیسی اولان ژوهانسبورگ اؤلکهنین و بؤلگهنین ایقتیصادی مرکزیدیر.
رانبورگ سو قوروغونداکی سو پمپو قورغوسونون الکتریک انرژیسینین کسیلمهسی سببیندن سیرادان چیخماسی ایله باشلایان سو بؤحرانی اؤتن هفته داها بیر سو قورغوسونون ایلدیریم وورماسی نتیجهسینده سیرادان چیخماسی و شهره سو آپاران کؤهنه بورولارین بعضیلرینین پارتلاماسی ایله پیک حددینه چاتیب.
ژوهانسبورگ سو ایدارهسی گروپلاری ناسازلیقلاری آرادان قالدیرماق اوچون ایشلییر، لاکین یاخین گونلرده سویون کسیلمهسینین داوام ائدهجیی گؤزلنیلیر.