یمیتری پسکوو: اوکراین دانیشیقلارا چاغیریشلاری رد ائدیب
روسیه: اوکراین «دانیشیقلارا چاغیریشلاری، او جوملهدن پاپ فرانسیسین «آغ بایراق سالماق» تکلیفینی قطعی شکیلده رد ائدیب
روسیه پرزیدنت سارایینین مطبوعات کاتیبی دیمیتری پسکوو بیلدیریب کی، اوکراین «دانیشیقلارا چاغیریشلاری، او جوملهدن پاپ فرانسیسین «آغ بایراق سالماق» تکلیفینی قطعی شکیلده رد ائدیب.
دیمیتری پسکوو جاری مسئلهلرله باغلی ژورنالیستلرین سواللارینی جاوابلاندیریب.
فرانسهنین «اوکراینا قوشون گؤندرمیه حاضیر اولان اؤلکهلرین کوالیسیونونو یاراتماق نییتی» ایله باغلی پسکوو، «عمومییتله، موذاکیرهلرین گئنیشلنمهسی و پاریسین هیپوتئتیک معیین بیر میقدار عسگر گؤندریلمهسینه حاضیر اولدوقلارینی بیان ائتمیش اؤلکهلرین کوالیسیونونو یارادیلماسی سعیلرینده اصرارلی فعالییتی، طبیعی کی گرگینلیگی آرتیراجاق بیر آنلاییشدان باشقا بیر شئی دئییل. بو چوخ تهلوکهلی بیر آنلاییشدیر، چوخ تهلوکلیدیر." دئدی.
پسکوو بونون "پوتانسیل اولاراق چوخ آرزو اولونماز نتیجهلره سبب اولا بیلهجیینی" وورغولادی و حادیثهلری چوخ دیقتله ایزلهدیکلرینی قئید ائتدی.
کاتولیکلرین روحانی لیدری و واتیکانین پرزیدنتی پاپ فرانسیسن اوکراینی «آغ بایراق آچماغا» و «دانیشیقلارا» چاغیردیغینی خاطیرلادان پسکوو بیلدیریب کی، بو یاخینلاردا کییف یؤنتیمی دانیشیقلارا چاغیریشلاری، او جوملهدن پاپ فرانسیسین «موذاکیره چاغیریشلارینی قطعی شکیلده رد ائدیب». پسکوو بیلدیریب کی "اونلار هئچ بیر دانیشیغا ایمکان وئرمیرلر".
کییف و باتینین روسیهنی استراتژی جهتدن مغلوب ائتمک نییتینین سهو اولدوغونو وورغولایان سؤزچو "حادیثهلرین گئدیشاتی، خوصوصن ده ساواش مئیدانی بونو ان آیدین شکیلده گؤستریر»، دئدی.