فرانسه اوکراینا 100 پیلوتسوز اوچاق وئرهجک
روسیه فدراسیونو مجلیسی ماکرونا خبردارلیق ائدیب کی، اوکراینا گؤندریلن اوردولاری ناپلئون اوردوسونون تالعی گؤزلیهجک
فرانسهنین مودافیعه ناظیری سباستین لکورنو فرانسهنین دئلایر شیرکتی طرفیندن ایستحصال ائدیلن 100 پیلوتسوز اوچاقین بو یای اوکراین-ا چاتدیریلاجاغینی آچیقلاییب.
اؤلکه حؤکومتی شیرکته 2000 اوزاقدان ایداره اولونان تجهیزات (بونا کامیکازه پیلوتسوز اوچاق دا دئییلیر) سیفاریش وئریب.
لکورنو بو تجهیزاتین نه قدرینین اوکراینا گؤندریلهجیی بارهده دقیق معلومات وئرمییب.
بیلدیریلیر کی، سؤزو گئدن پیلوتسوز اوچاقلار 2022 و 2023 ایللرینده خرسون وه خارکوو ویلایتلرینده کئچیریلن هوجوملار زامانی اوکراین اوردوسونا استراتژی اوستونلوک تأمین ائدیب.
اوکراین پرزیدنتی ولادیمیر زلنسکی 29 ژانویه تاریخلی چیخیشیندا کییئف اوچون بو پیلوتسوز اوچاقلارین ایستحصالینین 2024 ایلینین بیرینجی اؤنجهلیگی اولاجاغینی بیلدیریب.
بوندان اول فرانسه پرزیدنتی امانوئل ماکرون پاریسده اوکراین ایله باغلی زیروه کئچیریب.
زیروهده آلمان شانسلری اولاف شولتس و لهیستان پرزیدنتی آندژی دودا دا داخیل اولماقلا 20 اوروپا اؤلکهسینین لیدئرلری ایشتیراک ائدیب.
ماکرون زیروه زامانی بیلدیریب کی، اوروپا سرحدلرینی قوروماق اوچون باتی اوردولارینین اوکراینا گؤندریلمهسینی ایستیثنا ائتمیر.
لاکین ناتونون دیگر عضولری، او جومهلدن آمریکا، بؤیوک بریتانیا وه آلمان بو تکلیفی تنقید ائدیب. استونی وه لتونی ماکرونو دستکلییب.
روسیه فدراسیونو مجلیسی ماکرونا خبردارلیق ائدیب کی، اوکراینا گؤندریلن اوردولاری ناپلئون اوردوسونون تالعی گؤزلیهجک.
ایلگیلیلی خبرلر
کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقینلاردا 290-دان چوخ اینسان اؤلوب
کنیا-دا داشقینلاردا اؤلنلرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.