استولتنبرگ گورجوستان باش ناظیری ایله گوروشوب
ناتو-نون باش کاتیبی ینس استولتنبرگ گورجوستانین ناتو و آوروپا بیرلیگی‌نین بیر حیسه‌سی اولماسینی دستکلدیگینی بیلدیریب.
ناتو-نون باش کاتیبی ینس استولتنبرگ گورجوستانین ناتو و آوروپا بیرلیگی‌نین بیر حیسه‌سی اولماسینی دستکلدیگینی بیلدیریب.
ینس استولتنبرگ ناتو-نون بلژیک-ین پایتاختی بروکسل-ده‌کی منزیل-قرارگاهیندا گورجوستانین یئنی باش ناظیری ایراکلی کوباخیدزه ایله گؤروشوب.
استولتنبرگ ناتو-نون طرفداشی اولان گورجوستانین اگمنلیگینی و اراضی بوتؤو‌لوگونو دستکلدیگینی بیلدیریب و روسیانین ایشغال ائتدیگی بؤلگه‌لرده ایلحاق قراری‌نین قبول ائدیلمز اولدوغونو وورغولاییب.
گورجوستان و ناتو آراسیندا طرفداشلیغین داها دا اینکیشاف ائتدیریلمه‌سی‌نین نئجه مومکون اولاجاغینی موذاکیره ائده‌جک‌لرینی بیلدیرن استولتنبرگ "گورجوستانین یورو-آتلانتیک عائله‌سینه تام عضولوک، داها چوخ دموکراسی و ریفاه ایستیقامتینده ایرلیلدیگینی گؤرمک ایستییریک" دئییب.
ایراکلی کوباخیدزه همچنین بیلدیریب کی، وظیفه‌سینی تحویل آلدیقدان سونرا ایلک خاریجی سفری بروکسله، آوروپا بیرلیگی و ناتو-یا اولوب و بو، اونون اؤلکه‌سینی سؤزوگئدن "عائله"نین بیر حیسه‌سی ائتمک ایستکینی عکس ائتدیریر.
اؤلکه‌سی‌نین ایللر عرضینده ناتو-نون رهبرلیک ائتدیگی میسیون و عملیات‌لاردا ایشتیراک ائتدیگینی دئین ایراکلی کوباخیدزه بونون ساوونما قابیلیتی‌نین ناتو ایله اویغونلاشماسینا تحفه وئردیگینی بیلدیریب.
ایراکلی کوباخیدزه اؤلکه‌سی‌نین 20 فایز اراضی‌سی‌نین ایشغال آلتیندا اولدوغونو وورغولایا‌راق، ناتو و متفیق‌لرینی اؤلکه‌سینی همیشکین‌دن داها چوخ دستکلمه‌یه چاغیریب.
گورجوستانین باش ناظیری فوریه‌نین 21-ده ایسه آوروپا بیرلیگی شوراسی‌نین صدری چارلز میشل، آوروپا بیرلیگی-نین خاریجی ایشلر و تهلوکه‌سیزلیک سیاستی اوزره عالی نوماینده‌سی جوزپ بورل و آوروپا کمیسیونونون قونشولوق و گئنیشلنمه اوزره مسئول عضوو اولیور وارهلی ایله گؤروشوب.
قئید ائدک کی، گورجوستان آوروپا بیرلیگینه نامیزد اؤلکه ایستاتوسونو دسامبردا آلیب.
ایلگیلی‌لی خبرلر
روسیه خارکوف ویلایتینده راکت هوجومو حیاتا کئچیریب
روسیه‌نین اوکراینین خارکوف ویلایتینده حیاتا کئچیردیگی راکت هوجوموندا 10 نفر اؤلوب
