غزه آتیش‌کس لایحه‌سی یئنه ائرته‌لندی
گۆونلیک شوراسی، غزه‌ده ایسرائیلین سالدیریلارینا آرا وئریلمه‌سی یا دا دوردورولماسی لایحه‌سینی ۴.جو دفعه ائرته‌له‌دی
بیرلشمیش میللتلر گۆونلیک شوراسی غزه آتیش‌کس لایحه‌سینی یئنه اویلایابیلمه‌دی.
شورا، غزه‌ده ایسرائیلین سالدیریلارینا آرا وئریلمه‌سی یا دا دوردورولماسی لایحه‌سینی ۴.جو دفعه ائرته‌له‌دی.
آنلاشیلمازلیق؛ آتیش‌کس و اینسانی آرا سؤزلریندن هانسینین ایستیفاده ائدیله‌جگی ایله یاردیمین کیم طرفیندن کنترل ائدیله‌جگی اۆزرینه اولدو.
بیرلشمیش میللتلر گۆونلیک شوراسیندا حاضرلانان قرار لایحه‌سی، غزه‌یه یاردیمین یالنیز قورودان دئییل دنیزدن و هاوادان دا چاتدیریلماسینی اؤن گؤرور.
لایحه، اینسانی یاردیمین ایسرائیل دئییل بیرلشمیش میللتلر باش کاتیبلیگینین قوراجاغی مکانیزم طرفیندن کنترل ائدیلمه‌سینی ده احتیوا ائدیر.
حاضردا غزه‌یه کؤمکلر ایسرائیل طرفیندن کنترل ائدیر.
بیرلشمیش میللتلر یوخلاماسینا قارشی چیخان ایسرائیل، آمریکا بیرلشمیش دؤولتلرینه باسقی ائدیر.
بو سببله واشینگتنون، ایسرائیلی دؤوره‌دن چیخاران بیر قرار لایحه‌سینی وتو ائدجگی اوچون گؤروشمه‌لرین کیلیدلندیگی دانیشیلانلار آراسیندادیر.
قرار متنینده آیریجا، اؤنجه‌کی متنده‌کی چاتیشمالارین آسقییا آلینما‌سی چاغریسینین قالدیریلدیغی، بونون یئرینه انگلسیز اینسانی کؤمک چاتماسینا ایجازه وئرمک اوچون "عاجیل آددیملار" چاغریسی ائدیلدیگی ایفاده ائدیلیر.
