ایسلام اؤلکهلری پاکیستان-دا حیاتا کئچیریلن بومبالی هوجومو پیسلهییب
ایران، سعودی عربیستانی، قطر و کویت پاکیستان-دا کوالیسیون حکومتینین طرفداشلاریندان اولان ایسلام عالیملری جمعیتینین (JUI-F) قورولتایینی هدف آلان و 42 نفرین اؤلومونه سبب اولان بومبالی هوجومو پیسلهییب.
ایران، سعودی عربیستانی، قطر و کویت پاکیستان-دا کوالیسیون حکومتینین طرفداشلاریندان اولان ایسلام عالیملری جمعیتینین (JUI-F) قورولتایینی هدف آلان و 42 نفرین اؤلومونه سبب اولان بومبالی هوجومو پیسلهییب.
ایران پرزیدنتی ابراهیم رئیسی پاکیستانین خیبر پختونخوا ایالتینده ایسلام عالیملری جمعیتینین کنگره سینی هدف آلان بومبالی هوجومو پیسلهییب.
ابراهیم رئیسی پاکیستانین باش ناظیری شهباز شریفه گؤندردیگی مئساژیندا "ایران خالقی آدیندان سیزه، دوست و قارداش پاکیستان خالقینا باش ساغلیغی وئریرم" دئییب.
رئیسی آیری-سئچکیلیک اولمادان ترور آکتینی پیسلهدیگینی بیلدیرهرک دئییب کی، اینانیریق کی، بو جور غیری-اینسانی و جینایت عمللری اونلاری تؤرهدنلره و اونلارا امر وئرنلره اوتانجدان باشقا بیر شئی گتیرمهیهجک.
ایرانین خاریجی ایشلر ناظیری حسین امیرعبداللهیان دا سوسیال مئدیا حسابیندا ترور آکتینی کسکین شکیلده پیسلدیگینی و پاکیستانلی همکاری بلاول بوتور زردارییه، پاکیستان حکومتی و خالقینا باش ساغلیغی وئردیگینی بیلدیریب.
سعودی عربیستانی خاریجی ایشلر ناظیرلیگینین یازیلی آچیقلاماسیندا "کراللیق هوجومو شدتله تنقید ائدیر و پیسلییر" دئییلیب.
سعودی عربیستانینین زوراکیلیق و ترورو هارادا اولورسا اولسون ترک ائتمهیه چاغیردیغی وورغولاناراق، سعودی عربیستانینین پاکیستان خالقی ایله تام هم رای اولدوغو، حیاتینی ایتیرنلره باش ساغلیغی وئردیگی و یارالیلارین تئزلیکله ساغالماسینی آرزولادیغی بیلدیریلیب.
قطر خاریجی ایشلر ناظیرلیگی ده وئردیگی بیاناتدا قطرین سببلریندن آسیلی اولمایاراق ترور و شدتی رد ائتدیگینی، بومبالی هوجومو شدتله قینادیغینی بیلدیریب.
بیاناتدا حیاتینی ایتیرنلره گؤره پاکیستان حکومتی و خالقینا باش ساغلیغی وئریلیب و یارالانانلارین تئزلیکله ساغالماسی آرزولانیب.
کویت-ین خاریجی ایشلر ناظیرلیگی ده بومبالی هوجومو پیسلهییب.
وئریلن بیاناتدا بیلدیریلیب کی، کویت بوتون زوراکیلیق فورمالارینی و اونون گوناهسیز اینسانلارا ووردوغو زرلری قطعی شکیلده رد ائدیر و پاکیستانلا هم رایدیر.
خاطیرلاداق کی، پاکیستانین خیبر پختونخوا ایالتینده دونن کوالیسیون حکومتینین طرفداشلاریندان اولان ایسلام عالیملری جمعیتینین قورولتایینی هدف آلان هدف آلان بومبالی هوجومدا 42 نفر اؤلوب، 200-دن چوخ اینسان یارالانیب.