بمت-دن ادلیب خبردارلیغی
بمت باش کاتیبینین معاوینی مارک لوکاک ادلیبدکی هوجوملارلا باغلی: "21-جی عصرین ان بؤیوک اینسانی ایتکیلری باش وئرمهدن پروبلئمی حل ائتمهنین یوللاری تاپیلمالیدیر" دئدی.
بمت باش کاتیبینین معاوینی مارک لوکاک ادلیبدکی هوجوملارلا باغلی: "21-جی عصرین ان بؤیوک اینسانی ایتکیلری باش وئرمهدن پروبلئمی حل ائتمهنین یوللاری تاپیلمالیدیر" دئدی.
بمت باش کاتیبینین اینسانی ایشلر عذره معاوینی مارک لوکاک بمت-نین ژنو اوفیسینده مطبوعات کنفرانسی کئچیردی.
لوکاک کنفرانسدا: "هامیمیز ادلیب اوچون هیجان طبلی چالدیق. ادلیب خالقی اوچون بو آنین نه قدر تهلوکهلی اولدوغونو وورغولاماق ایستییرم" دئدی.
ادلیب-ده تخمینن 4 میلیون وطنداشین یاشادیغینی، بونلاردان 2 میلیونونون اینسانی یاردیملارا احتیاجی اولدوغونو قئید ائدن لوکاک:ادلیب-ده گلهجک بیر نئچه آیدا ان پیس اینسانی فلاکت و 21-جی عصرین ان بؤیوک اینسانی ایتکیلری باش وئرمهدن بو پروبلئمی حل ائتمهنین یوللاری تاپیلمالیدیر" دئیه دانیشدی.
بمت باش کاتیبینین معاوینی ادلیبدن احتیمال اولونان کؤچ دالغاسینا قارشی گئنیش پلانلارینین اولدوغونو بیلدیردی.
لوکاک ادلیبه احتیمال اولونان هوجوم وضعیتینده 800 مین وطنداشین کؤچ ائدجگی بارهده تخمین وئردی، دونیا ارزاق پروقرامینین (WFP) انبارلاریندا 850 مین وطنداشا بیر هفته چاتاجاق قدر حاضر یئمک اولدوغو معلوماتینی بؤلوشدو.
وطنداشلارین بؤیوک کوتلهلر حالیندا ادلیبین موختلیف بؤلگهلرینه دوغرو حرکت ائده بیله جگی احتیمالیندان دانیشان لوکاک، بو چرچیوهده اؤتن هفته اسد رژیمی و سوریه قیزیل آیی ایله گؤروشلر کئچیردیگینی ایفاده ائتدی.