قوزئی کوره، ژاپونیانی تهدید ائدیب
ائدیلن آچیقلامادا "ژاپونیانین قوزئی کورهیه باسقینی، کوره یاریماداسیندا باسقی یوکسلتمهسی، ژاپون آدالارینا نوکلئر بولودلاری گتیرهجک بیر اینتیحار
قوزئی کوره، ژاپونیا، اونلارا اولان باسقیلاری داوام ائتدیرمهسی حالیندا نوکلئر بولود گؤندرمکله تهدید ائدیب.
قوزئی کوره رسمی خبر آژانسی KCNAدان ائدیلن آچیقلامادا "ژاپونیانین قوزئی کورهیه باسقینی، کوره یاریماداسیندا باسقی یوکسلتمهسی، ژاپون آدالارینا نوکلئر بولودلاری گتیرهجک بیر اینتیحار. هئچ کس وضعیتین نه زامان بیر نوکلئر ساواشا چئوریلهجگینی بیلمیر. آنجاق نوکلئر ساواش باشلارسا، بیر آندا ژاپون آدالاریندا پاتلار" دئدی.
ژاپونیا باش ناظیری شینزو آبه اؤتن آی بیرلشمیش میللتلر تشکیلاتینین (بمت) باش مجلیسینده ائتدیغی دانیشمادااولوسلار آراسی توپلومدان پیونگ یانگا قارشی باشقینین آرتیریلماسینی ایستمیشدی.
آبه،
قوزئی" کورهنین بوتون نوکلئر و بالیستیک موشک پروقرامینی تامامیله و گئری قایتاریلماز شکیلده ترک ائتمهسینی تامین ائتملیگیک. احتیاج دویولان دیالوق دئییل باسقس" دئمیشدی.
کوره یاریماداسینداکی وضعیت، قوزئی کورهنین بیر سیرا نوکلئر و بالیستیک موشک سیناغی ائتمهسینین آردیندان قیزیشمیشدی.
قوزئی کوره ان سون 15 سپتامبردا بیر بالیستیک موشک سیناغی کئچیرمیش، موشک 20 دقیقه سونرا بؤیوک اوقیانونا دوشمهدن اوّل ژاپونیا اوزریندن گئچمیشدی.
بیرلشمیش میللتلر تهلوکهسیزلیک شوراسی 11 سپتامبردا، بو آنا قدر قوزئی کورهیه قارشی ان آغیر تحریم پاکتینی آچیقلادی.
2375 سایلی قانون لاییحهسی پیونگ یانگا قارشی نفت ایخراجینی محدودلاشدیریب، قوزئی کورهنین تکستیل محصوللارینی ایدخال ائتمهسینی قاداغان ائتمیشدی.