چاناق‌قالا کؤرپوسو آچیلیر
۴ مین ۶۰۸ متر اوزونلوغونداکی ۱۹۱۵ چاناق‌قالا کؤرپوسو ایله ایکی قاره آراسینداکی یولچولوق مدتی ۶ دقیقه‌یه دوشه‌جک
۱۹۱۵ چاناق‌قالا کؤرپوسو، ۱۸ مارس چاناق‌قالا دنیز ظفرینین ۱۰۷.جی ایل دؤنومون‌ده یارین جمهورباشقانی رجب طیب اردوغان طرفیندن آچیلاجاق.
اؤزللیکلری اعتیبارییلا "سیمگه‌لرین کؤرپوسو" اولاراق بیلینن، مهندسلیگینده‌کی آیرینتیلارلا اؤنه چیخان "دونیانین ان اوزون اورتا آچیقلیقلی کؤرپوسو" عنوانینا صاحب ۴ مین ۶۰۸ متر اوزونلوغونداکی ۱۹۱۵ چاناق‌قالا کؤرپوسو ایله ایکی قاره آراسینداکی یولچولوق مدتی ۶ دقیقه‌یه دوشه‌جک.
چاناق‌قالا ائلینین لاپ‌سکی ایله گئلی‌بولو ائلچه‌لری آراسیندا اولان و "ان"لرین پروژه‌لری اولاراق آنیلان کؤرپونون آنا کابلیندا دونیانین اطرافینی ۴ دفعه دؤنه‌بیله‌جک ۱۶۲ مین کیلومترلیک تئل ایستیفاده ائدیلدی.
کؤرپونون ۲ مین ۲۳ مترلیک اورتا آچیقلیغی جمهوریتینین ۱۰۰.جو قورولوش ایل دؤنومونو، ۳۱۸ مترلیک چئلیک بورجلاری دا چاناق‌قالا دنیز ظفرینین قازانیلدیغی ۱۸ مارس ۱۹۱۵ی سمبلیزه ائدیر.
قیرمیزی-آغ رنگه صاحب بورجلارین تورک بایراغینی تمثیل ائتدیگی پروژه، ۳۳۴ متره چاتان بورج یوکسکلیگی ایله دونیانین ان یوکسک بورجلارینا صاحب آسما کؤرپوسو عنوانینا صاحب.
